بالاول خليه يسلفنا مليون نشري بيت والحين خليه يأجرنا من بيوته

السلام عليكم
بدخل بالموضوع على طول
صارلي7 سنوات متزوجة
شقتي كبيره وواسعه بس وجديده بس زوجي مااقتنع فيها غاليه 33 الف
ومايبي الا شي جديد ونظيف والنظيف غالي
مالنا9 شهور ساكنينه شرحه وتهبل وارتحت فيها بس زوجي اتعبني عشان المواقف السياره ماتاخذ المواقف الا 8 سيارات والعماره 16 شقه فهو يوقف سيارته بعيد تقريبا 30 متر عن العماره ويقول نبي ننقل نبي ننقل وهو خابر عن ابوي اداور يأجرها وقال كلمي ابوك يعطينا ويخفض لنا هي50 الدور ويخليها35 الف قلت رفض قلت الابوي قال انا مأجرها كلها ومقدر اعطيكم وباين على ابوي ماحب انه يعطينا من ادواره لانه مايحب يلتزم مع الاقارب يقول يتأخر بالاجار او يماطل مهما كان زوج بنتي ومقدر اضغط عليه
وادوار ابوي يابنات قديييييمه اللي قبل 30 سنه نظام قديم
واقول الزوجي تراها قديمه وماتنفع يقولي لا حاولي معه اقوله حاولت ورفض قالي كثر الدق يلين الحديد زني عليه وعيدي وكرري وان شاءالله يقتنع
اقوله قديمه ماتنفع يقولي عادي اجددها
ازعجني صارله شهرين يزن علي اتعبني قسم بالله حامت كبدي
الدرجة قلت لاتفتح الموضوع ابوي رااافض راااافض رااااااافض
قال ماعلي منكم ترى ماباخذ الا شقه بالملز 18 الف تحسبوني بدفع غالي انسي
قلت ان شاءالله تسكني بعشه عادي بس لاتفتح الموضوع معي وطلع اداور ابوي من بالك لانك صراحه زعجتني كل ماتكلمني تفتح معي نفس الموضوع تعبت انا ما بيدي شي ابوي عياء وشكله مايبي يأجرنا
وانا يا اخواتي اداور ابوي ما اشوف فيها شي مميز اول شي قديمه ثاني شي غاااااليه 50 الف وحتى لو ابوي نزلنا 35 الف غاااليه لانها تعتبر قديمه جدا واساسا مستحيل يعطينا اياها لانه مرتين فتحت الموضوع وزي اللي صرفني وضيع الموضوع رغم انه قلتله ندفعلك 50 الف كامله زينا زي غيرنا بس تحسونه ماتفاعل وضيع السالفه
ابي افهم زووووجي وش هاالاصرار عليها اتعبني قسم بالله
تعبت حامت كبدي من كثر مايجيب الطاري
وشقتنا تجنن قهر جديده ونظام جديد وشرحه وتدخلها الشمس من كل جهه ونظيفه اللهم مواقف سيارات مافيه ويطظر يوقفها بعيد وهذا اللي بيخليه يطلع حتى تعبنا عليها من تنسيق وورق حائط وصبغ وبالاخير نطلع بكل سهوله الحين باقيله 4 شهور وينتهي العقد ويقول طالع طالع انا ضاق خلقي ماحب التنقل
كيف اتفاهم مع زوجي تكفون خبروني :(

26 تعليق 3,775 مشاهدة

شاركي في النقاش

سجلي الدخول لإضافة تعليق.

التعليقات

23
  1. @fsh_fashh

    ما عليك منه يدير نفسه
    حلوه ذي خلي ابوك وخلي ابوك
    أبوي ما جابها بالساهل عشان تجي انت بكل بساطه تطالبه وكأنه حق من حقوقك
    لو انتي اللي مفكره كذا تطلبين ابوك ما يخالف
    لكن هو اللي يخطط ويحذرني انه بياخذ شي اقل من المستوى لو ما وافق ابوك هنا قمة البجاحة
    طنشيه وخليه يتعلم وش معنى الواحد يعيش كريم نفس
  2. @algthab_9

    ايه اتذكر موضوعك السابق
    ااه يقهر زوجك
    اممممممم
    خليك ع موقفك
    بينقل وين بوديكم يعني؟
    والحين هو عادي يتحمل هم النقل
    مايتحمل يمشي كم دقيقة كل يوم .. لو يعتبرها رياضة! استغفر الله
    مادري وش اقولك
  3. شفتي ان الموضوع ماله علاقة بمواقف السيارة
    وكيف طلعت اخلاقه والي بقلبه
    يقولك بياجر ب18 مو ماجر غالي لكم!
    على اساس بتاكلين الارض لو سكن وعائلته بشقة نظيفة
    يحسدك الارض
    وابوك مسكين شدخله
    انتي طلعي نفسك منها
    وكلمي ابوك و قولي له لو يطلبك فلان لاتعطيه

    زوجك يأجر ب18 كيفه
    بس وربك الي خلقك لاتاخذين من حلال ابوك الشايب الي تعب فيه وتعطين زوجك
  4. @blnsya

    صاحبة الموضوع
    اقسم بالله حامت كبدي وانا بيني وبينكم ابويا كلمته قبل سنه قبل نسكن شقتنا هذي ورفض ومارجعت فتحت الموضوع مره ثانية لاني ماقتنعت في ادواره اول شي قديييييييمة ثاني شي ابوي واضح مايبي يأجرنا خلاص الواحد يصير عنده شوية دم يكفي مليت منه صرت اتقزز من زوجي واكرهه واحس انه استغلالي وصرت اكرهه الحين اقوله ابوي رفض وقال لااااا تفهم وش معنى لا لا يقولي كثر الدق يلين الحديد ويعصب تقل الدور في اسمي وانا حسد مابي يسكنه يعني يتنرفز ويقولي والله انا مليت امشي 30 متر لما اوصل شقتي بذا الشموس بعد الدوام انا تعبت طيب يازوجي انا شدخلني انا مالي دخل خلاص تعبت مليت

تابعي تجارب أخرى من هذا القسم.