والله يابنات ضميري يأنبني على عيالي....تمنيت لو انشلت ولا خليتهم لحالهم ....طلعت قبل الشوي يعني بعد المغرب البقاله تبعد عني دقيقتين ...وزوجي سافر الرياض مع أخوه بشغله..اتصلت عليه قلت له محتاجه اغراض من البقاله ...قالي ماعنده رصيد... قررت بعد المغرب اطلع انا البقاله قلت أجيب اغراضنا بسرعه ورجع ...بطلعتي للبقاله طفى الكهرب بعدي....وتأخرت ف البقاله كان في زحمه جلست يمكن ربع ساعه وطلعت من البقاله ...وكانت المفاجئه ان شارعنا كله طافي ..واسيب الأغراض كلها واروح أركض حسيت اني بنجن والله سمعت صياحهم طالع برا العماره واطلع الدرج وافتح الباب ورحت ادورهم ....لقيتهم عند باب الحمام الله يكرمكم.....عيونهم بتطلع من البكى وصوتهم راح من الصياح ووجيههم تتصابب عرق وكل واحد ضام الثاني ومتمسكين ببعض واضح انهم خايفين ومرعوبين بسم الله عليهم....انا يوم شفتهم كذا حضنتهم وبكيت وحاولت أهديهم....وانا أبغى من يهديني ولمت نفسي..تمنيت لو الأرض انشقت وبلعتني ولا شفتهم كذا ....تقطع قلبي عليهم وانسددت نفسي من كل شي....ياربي أحس بضيقة بتخنقني وظميري جالس يأنبني وش سويت انا بعيالي...اخاف يأثر عليهم الموقف هذا ...ياربي ان اش سويت فيهم ياربي احفظ عيالي من كل شر...تعلمت درس اني مااخليهم حتى لو اضطريت أشيلهم معي.....عيالنا امانه برقابنا ولازم نحافظ عليهم
.
مجرد فضفضه بطلع الشوي من الضيق الي بصدري
شاركي في النقاش
سجلي الدخول لإضافة تعليق.
التعليقات
83- هدي نفسك ولا تلومين نفسك هذا الشي كلنا معرضين له وان شاء الله درس تتعلمين منه
اذا عيالك صغار مره ثانيه خذيهم معاك لا تتركينهم لا قدر الله يلعبون بالكهرباء ولا النار او يقفلون على انفسهم بالمفتاح وانتي بعيده عنهم
واهم شي علميهم ودربيهم كيف يتصرفون اذا صار مثل هذا الموقف لا تعودينهم يصارخون ويبكون ويخافون ويصيرون معقدين
انا وانا صغيره صارت مواقف تعتبر خطيره وعرفت كيف اتصرف مثلاً احترق سلك الكهرباء حق الفرن ورحت سريع قفلت الكهرباء من العداد بعدين تجمعوا اخواني وقلت لهم احترق الفرن وراحوا يطفونه
وغيره مواقف كثير لازم تعلمين اطفالك كيف يتصرفون بهدوء ويطلعون مكان آمن
حرام يشوفونك تبكين وتصرخين وينزرع في قلوبهم الخوف - حبايبي الله يحفظهم لك
عادي حبيبتي خرجتي للضرورة الله يبلغك الأجر وماقصدك تخليهم لوحدهم - سمي عليهم واقري في مويا وشربيهم ماعليهم شر أن شاء الله
- طيب ليش تخلينهم لحالهم كان اخذتيهم معك
على العموم عادي هدي نفسك - انا وحدة لو اموت ماخليت عيالي لوحدهم بالبيت والله احيانا عند موعد بالمستشفى ابوهم يقول خليهم نايميين ماراح يصحون لين نجي بس انا ارفض اقول لو صحا واحد منهم ودورني مالقاني وافرض لو تاخرنا بالمستشفى عاد واتخيل الموقف بسم الله عليهم..
لالالا ابدا ماخليهم اخذهم معي وين مارحت
موقفك حسسني بنفسي لو صار لعيالي شي الوم نفسي واكره نفسي
هذا درس ياختي وتعلمتي منه والحمدلله ع السلامه انها جت ع قد كذا
الله يحفظلك اولادك من كل مكروه واولادي واولاد المسلميين
مواضيع مشابهة
تابعي تجارب أخرى من هذا القسم.