قصتي مع تكيس المبايض وخمول العدة الدرقية

السلام عليكم ورحمة الله وبركاته
بدخل في الموضوع على طول
انا لي سنة ونص متزوجة حصل حمل بعد زواجي ب 3 شهور ولكن ما اراد الله يتم واجهضت ومن بعدها ماحملت
وكانت دورتي دائماً منتظمة طولها 30 يوم
وخلال الخمس الاشهر الاخيرة بدأت تتلخبط .. صارت تجيني كل 40 يوم والشهر الاخير ماجات
رحت المستشفى سويت تحليل هرموني طلع مافي حمل
وبعدها بدأت بالاشعة ( تصوير تلفزيوني ) والفحوصات
ظهر ان عندي ارتفاع في الغدة الدرقية 7 من 5
وتكيس في المبايض
وصفت لي الدكتورة جلوكوفاج ودكتورة الغدد اثيروكس وسوت لي تحليل الاجسام المضادة .
بعد اسبوعين راجعت دكتورة الغدة عشان اخذ التحاليل طلع ماعندي اجسام مضادة للحمل ولله الحمد
استخدمت جلوكوفاج لمدة 20 يوم ونزلت الدورة ولكن كانت خفيفة راجعت الدكتورة عشان تكمل فحوصات ثاني يوم في الدورة قالت اول شي نسوي فحص حمل
سويت فحص حمل هرموني والنتيجة 0
بعدين سوت لي فقط تحليل FSH , LH
كان FSH =5
و LH = 26
سألت الدكتورة عن نسبة التكيسات قالت متوسطة لكن ما اقتنعت بكلامها احس انه شديد
مع ان ماعندي زيادة في الوزن ولا شعر زائد
وقالت لي عالجي الغدة اول واذا ماصار حمل من نفسه تقدرين تجين ونعطيك منشطات وتوكلت على الله ورحت لدكتورة الغدة قالت لي بعد كم اسبوع لازم نسوي لك تحليل الغدة نشوف الجرعه مناسبتك او لا بعد كذا تقدرين تاخذين منشطات .
المهم حبيباتي الدورة استمرت عندي 4 ايام فقط مع انها كانت 8 ايام ولما توقفت على طول صار ينزل مني افرازات شفافه بكثرة زي الموية ' اكرمكم الله '
مين صار معاها نفس الحكاية
وبالنسبة للافرازات هل هي بسبب التكيس او انه تبويض او ايش ؟
وكمان هل تنصحوني اخذ منشطات او انتظر الحمل طبيعي ؟
وهل التكيس للي حصل لها حمل يكون ابسط من التكيس للي ماحملت ابدا ؟

18 تعليق 18,844 مشاهدة

شاركي في النقاش

سجلي الدخول لإضافة تعليق.

التعليقات

17
  1. انا قريبة نتيجة تحليلي من نتيجتك Fsh=6
    LH= 29
    استخدمت الجلوكوفاج كم شهر بس تعبت ماقدرت اكمل
    تابعت فتره واخذت ابر منشطة بس ربي ماكتب لي حمل
    ولي سنه ماصرت اراجع المفروض اتابع مع دكتورة
    بالعكس روحي وراجعي واخذي منشطات
    وبالنسبة للتكيس اشربي موية كثير وابعدي عن السكريات والحلا وامشي
    والله يرزقك الذرية الصالحة عاجلاً غير آجل
  2. @emiiia

    صاحبة الموضوع
    اختي حجامة حواء
    ودي اسويها صراحه بس اخاف لان ماعمري سويتها
  3. @emiiia

    صاحبة الموضوع
    حبيبتي كيوت وبس
    استخدمي الجلوكوفاج على معدة مليانة وان شاء الله ماتتعبين
    انا ودي بالمنشطات بس سمعت انها تكثر التكيسات عشان كذا مترددة
    امين يارب الله يرزقنا واياك ❤❤
  4. @am_albtata

    Emiiia
    حبيبتي كيوت وبس استخدمي الجلوكوفاج على معدة مليانة وان شاء الله ماتتعبين انا ودي بالمنشطات بس سمعت انها تكثر التكيسات عشان كذا مترددة امين يارب الله يرزقنا واياك ❤❤
    فعلاااااااااا المنشط مصيبه. انا اخذت كلوميد 5 ايام فقططط ووقف لي الدوره وسبب تكيس

تابعي تجارب أخرى من هذا القسم.