شاركي في النقاش

سجلي الدخول لإضافة تعليق.

التعليقات

53
  1. @fsh_fashh

    للاسف انك سكتي لحد ما وصلو اولادك لهالمرحله
    المفروض من اول ما حسيتي بالتغير لعنتيهم هم وأبوهم وأمه معهم حسبي الله ونعم الوكيل
    هذا الناقص بعد
    ولدها بالطقاق اللي يطقها هي وإياه لكن عيالي خط احمر تحمد ربها اني اخليهم وأسمح لهم يسلمون عليها مع هالفعايل اللي تسويها هي وولدها
    آه يا قهري ارتفع ضغطي
    لكن الان مالك الا انك تحافظين على ما تبقى من احساس الامومه من ناحيتهم والدعاء اولا واخير لعيالك وعلى الظالم ان الله يأخذ حقك منه
  2. @ghdy_ghad

    صاحبة الموضوع
    جزاكم الله جميعكم خير الجزاء
    الله يسخر لكم كل عزيز وغالي عليكم
    في وحدة سألت ليش زوجك حاقد عليك فعلاً زوجي كنت ملاحظة عليه إذا شاف الأولاد ملتمين علي يبعدهم عني ويحاول يكون الكل في الكل في نظرهم رغم اني اعطيه فرصة كأب بس يطنش مثلا الصلاة انا اقومهم للصلاة وهو نايم واجي عند الاولاد اقول ابوكم يقول اسبقوه عالمسجد واصلا ابوهم نايم طبعا ابوهم الحمدلله يصلي ولا تزوجته ماكان يصلي ومع ذلك لاحظت زوجي اذا جاء احد منهم يقولي سالفة يسكته ويقول تعال علمني بس ماجاء في بالي انه يبغ يقلبهم علي
    أما أمه فلاحظت نيتها من زمان دايم تراقب تصرفات اولادي معي وتعلق عليها مثلا الصغير ابو سنه ركض عند ابوه وضمه وخلصنا بعدها بساعه تجي ام زوجي تقولي اولادك مايبغونك يبغون ابوهم شوفي فلان ابو سنة يضم ابوه تخيلو استغفر الله
    اولادك يشبهون ابوهم اولادك يحبون ابوهم اولادك اولادك......بس مراقبة تصرفات اولادي معي واذا عاقبت الولد راحت ل ابوهم زوجتك تعذبهم بصرف النظر وش خطاه ....


    كلمت امي واشتكيت لها وقلت تربيتي راحت كذا ورب البيت قبل تدخل امه حياتنا اولادي متفوقين وشهادات من المدرسة حتى عن النظافة والتربية والأخلاق وتفوق وامام المسجد دايم يهدي لهم هدايا لأنهم محافظين على صلاة الفجر كانت علاقتي ب اولادي مثالية حتى معلمات بناتي ينادوني يشكروني واولادي يشكرون ابوهم رغم انهم يصلون الفجر المسجد ويروحون المدرسة ويرجعون وهو وأمه نايمين وانا اقومهم واتابعهم واوفر لهم أغراضهم الدراسية من فلوس أهلي ومع ذلك هذا إلي جاني
    حسيت وقتي وجهدي ضاع
    أمي قالت الموضوع ماينسكت عليه وكلمت اولادي وحلفت لهم ان باقي غلطو علي تاخذني وتتركهم لحالهم وماتسكت لهم وطلبتني أصبر أعطي العيال فرصة
    من ناحية تحريضي الاولاد على ابوهم انا مو قاصدة بس ابغاه يحس بالي هو يسويه أنا إلي زرعت هيبته وإحترامه في نفوسهم وهو العكس
    أسوي الشيء واقول ابوكم سواه أشتري واقول ابوكم والله اذا سافر يخلينا يومين ثلاث مايسال وانا اقول للعيال ابوكم يسلم عليكم تو اتصل يسأل عنكم وهذا جزآءه
    عموماً أسعدني ردودكم وتفاعلكم والهداية بيد الله
    يارب يرد لي أولادي رداً جميلاً ويكفينا شر النفوس الحاقدة
  3. والله أنك هبله معذرة أمزح حبيبتي عشان تضحكي


    إنت قلتيها " تأثير الأب على الولد وتاثير الأم على الزوج...... " إذا زوجك بشنب عاقل ويميز شوفي أمه كيف تجر فيه جر من شنباته وهو مسايرها وراضخ لها كيف إنت عاد مع طفلين الحمد لله إنك كشفتيهم إمسكي أولادك وإعمليلهم غسيل مخ من تسميم المخ إلي سواه أبوهم ورجعيهم لحضنك الأولاد أولاد أمهم مو أبوهم كوني متأكده وصدقيني زوجك وأمه جنوا على حالهم كلها كم سنه ويكبروا وراح يعافوهم من عمايلهم هذه وترسخ بذهنهم ذكريات سيئة عنهم ويدافعوا عنك تطمني أولادك مردهم لك إنت تستهيني بالمشيمة.


    اللقيط إلي هو لقيط لما يصير رجال يدور على أمه وإذا لقاها يرتمي بحضنها يبكي ولوكانت عاهرة ويدور على أبوه عشان ورقة ينكتب فيها لقبه ويحاسبه على إلي سواه بأمه وبس وحياله يسامحه.
  4. @ghdy_ghad

    صاحبة الموضوع
    tuka
    والله أنك هبله معذرة أمزح حبيبتي عشان تضحكي إنت قلتيها " تأثير الأب على الولد وتاثير الأم على الزوج...... " إذا زوجك بشنب عاقل ويميز شوفي أمه كيف تجر فيه جر من شنباته وهو مسايرها وراضخ لها كيف إنت عاد مع طفلين الحمد لله إنك كشفتيهم إمس…
    صادقة الله يسعدك🌹
    الله يقويني كثر علي الغسيل غسيل مواعين وغسيل ملابس وغسيل مخ😊
  5. @sarh_07

    ادعي لهم بصلاح والهدايه كلهم مافيه اجمل من دعوه الوالدين
    ثانيا امسكيهم بعد مايروح ابوهم وجدتهم وتفاهمي معهم قولي ليه كيذا تجرحوني وانا امكم وليه كيذا وكيذا وكيذا وقولي كل اللي في خاطرك وان شاء الله يسمعون

تابعي تجارب أخرى من هذا القسم.