تعالو شوفو كلام زوجي لي

السلام عليكم ورحمه الله وبركاته
انا متزوجه لي اكثر من ثمان سنوات من اول ما تزوجت زوجى يكذب علي وانا اصدقه كان يكذب في اموره الماليه وراتبه وكان ما يصرف علي الا بالقوه والسفريات والمطاعم والتمشيات مافيه وانا كله مصدقه ان ماعنده فلوس وقلت اصبر
لاحظت عليه تصرفات خيانه وكشفته اكثر من مره وواجهته وصارات مشكلات كثيره
اخر مشكله قال لي خلاص روحى بيت اهلك انا ماقدر اصرف عليك وهذا كله كذب
رحت بيت اهلي كان يبينى اعيش في بيت اهلى وهو كل ماطقت في راسه جاء
طبعا انا رفضت وقلت طلق وهو رفض الطلاق قلت اما تجيب لي بيت والا الخلع ومن حقي لانه شرط من شروط عقد النكاح
طبعا تدخل ابوي وعمى في الموضوع وانتهى الموضوع بالصلح وجاب لي بيت
رجعت معاه تقريبا بعد ست شهور من الزعل
بعد ما رجعنا قال لي ابي اصارحك بمواضيع وابيك تسمعين منى للاخر ولا تقاطعينى
قال اول ما تزوجتك كنت ابيك وعاجبنتى بس امى كانت تعبي راسي عليك كرهتك مع انى ما شفت منك شي كنت اسهر بالمجلس واخليك شهور تنامين لحالك ولا المسك واشوفك انتى صابره صح كانتى تتهاوشين معاي بس ماقد وصلتيها للاهل كنت ابي اطلقك اكثر من مره واختلق مشكلات علشان الطلاق بس انتى كنتى تطفين المشكله
اعترف لي بخيانته وخيانته كانت شذوذ وحلف لي بالله انها كلها بس رسايل مع شباب الله المستعان اما ممارسه لا والله يقول كنت اسوى هذا الشي قبل الزواج بس بعد ما تزوجت بطلت بس مستمر بالكلام ومتابعه الافلام وكنتى انتى تواجهينى وكانت تصير مشاكل وكنت ابيك تطلبن الطلاق ابيها تجى منك مو منى واحط اللوم عليك لكن انتى ما رحتى لاهلك
وجلس يعلمنى باشياء كثيره كان يسويها وقالها بصريحه العباره والله العظيم ماكنت احبك مع انه غيري يتمناك كل شي فيك حلو سواء لبس سواء نظافه شخصيه سواء بيتك طبخك كل شي فيك زين بس انا ماكنت كفو والسبب اهلى يعبون راسي حرمتك من اشياء كثيره لانى كنت اقول ليش اعطيها ليش اسفرها وامشيها ليش اوديها مطاعم
وشوي سلم على راسي وبكى وقال سامحينى والله العظيم يوم قلت لك روحى بيت اهلك وانتى اصريتى على الخلع عرفت قيمتك والست شهور الي جلستها لحالى عرفت اني احبك واعشقك قال ابشرى بالعوض ان شالله اعوضك عن كل شي حرمتك منه
هذا الي صار معى ومدري اصدقه والا كذاب