{{ملف don }} المتجدد للآكلات المصرية للمبتدآت { 9 }

السلام عليكم جميعا


أنا عندي سؤال ضروري وشريع يعني عايزه إجابه سريعه بجد لو سمحتوا


دلقوتي أنا عامله رابطه ملوخيه
معرفش الرابطه كام كيلوا .. ولا نص معرفش؟؟
عايزه اعرف مقدار الشوربه قد ايه ...؟؟؟
علشان متطلعش ساقطه ولا تطلع ثقيله

وعايزه بالتفصيل طريقه العمل أرجووووووووووووووووووووووووووكم
حد يرد عليا

أنا قرأتها من التلخيص
ولقيت إن النص كيلو يتحطله كوبيتين شوربه
طيب هيه الرابطه كام كيلوا ولا نص ولا ايه؟؟

أنا خرطت الملوخيه
وخايفه لتبووووظ
أرجووووووووووووووووكم

ازيك يا احلامتي

بصي على السريع كده

حطي فصين 3 ثوم مهروسين وشوية كزبرة ناشفة حوالي معلقة صغيرة في معلقتين سمنة كبيرة وحمريها لحد ما تصفر مش تحمر، تصفر هه ، روحي حاطة عليها كوب ونصف شوربة او حتى مية واتركيها تغلي لما تغلي حطي عليها مكعبين ماجي وقلبيها وبعدين حطي لها الملوخية المخروطة تمام كده؟

قلبي الملوخية في الشوربة وفككيها من بعضها كويس بحيث يكون تقلها متوسط يعني مش تخينة ومش خفيفة زى عصير المانجة مثلا او اثقل شوية واتركيها تغلي لحد ما الريم يطلع فوق الوش تقريبا تغلي حوالي 3 دقايق
في نفس الوقت تكوني محضرة حوالي 3 او 4 فصوص ثوم مهروسين تاني في معلقة كوزبرة برضه وفي معلقتين سمنة كبيرة على النار علشان الطشة (بحيث التقلية تكون بتتحمر في نفس الوقت اللي انت حطيتي فيه الملوخية تغلي) اول ما تغلي الملوخية ممكن تذوقيها لو حسيتي انها طعمها حلو ومش نية تروحي طافية عليها وتطشيها بالتقلية بعد ما تكون اصفرت هى كمان
طبعا لو حطيتي شوربة خلى بالك ما تحطيش الا واحدة ماجي بس علشان طعمها ما يكونش حادق قوي
وبس بقى بالهنا
جريتي ريقى يا شيخة هاروح اعملها

الربطة بتكون تقريبا كيلو الا ربع او ساعات نص او ربع حسب حجمها