تكفوون ساعدوني اخواني بيضيعون وانا مو قادره اسوي شي

السلام عليكم ورحمة الله وبركاته
خواتي تكفون ساعدوني انا البنت الكبيره بالبيت اكبر اخواني وخواتي عمري 25 وعندي اخوان بسن المراهقه
وخايفه عليهم من رفقاء السوء لان اخوي الكبير طاح بالدخان ولاقدر يتركه عمره 20
واخوي الثاني عمره 17 وتوه طايح بالدخان وكشفته بس ماقلتله ولا يدري اني ادري عنه بس لاجبنا طاري الدخان يحلف انه مايدخن ولاهو حول هالامور وبعيد عنها
ابوي متزوج وعند زوجنه وماهو راعي مسؤوليه مهمل اخواني مره ولايدري عنهم يطلعون والا لا اببد مو مهتم لهم
وامي متوظفه وعند امها تهتم فيها تقعد عند امها شهر وتجينا شهر يعني مو مستقره
والوضع بالبيت صاير كنه فندق مانقعد مع بعض وواخوي هذا بالذات اول مايصحى يطلع واذا ماطلع يكون مع اخواني بغرفتهم وكل واحد ماسك جواله
تكفون ساعدوني ابي ألم اخواني وخواتي حولي ابي اسوي جو اسري مابيهم يملون مابيهم يضيعون من يدي وانا ما اقدر اسوي شي خصوصا ان هالايام منتشره المخدرات الله لايبلانا ولا ابيهم يطيحون فيها
ابي اسوي برنامج للبيت بحيث اني اشغلهم وابعدهم عن رفقاء السوء بدون مايحسون واقلل طلعاتهم خصوصا المراهقين ابي اخوي هذا يترك التدخين بدون مايحس ولا ابيه يدري اني عرفت عشان لايجاهر ويصير عادي عنده
تكفوووووووون ساعدوني وش اسوي كيف الطريقه واذا فيه شي يساعد انهم يتركون التدخين مثل مشروبات واكلات كذا علموني الله يسعدكم ويفرج همكم
اسفه طولت عليكم بالحكي بس عشان توضح لكم الصوره
وشكرا