عمليات توسيع المهبل الرجاء المشاركة من جميع الاخوات

الله يسعدك حبيبتي انا باذن الله رايحة للدكتورة السبت الصباح عشان مايكون عندها زحمه وباذن الله تطمني وارجع اقولكم وش صار بالتفصيل الممل

آَِّللہَِّ يعينك ويطمنك

اختي .. الله يهديك تقول لك اعاني من مشاكل زوجية وتعب بعد العملية
وانتِ تقولي لها عطيني اسم المستشفى والدكتورة؟!!
ياللعجب ناس تبي الشقا حتى لو على حساب صحتها
قسم بالله فيكم هوس مو طبيعي

السلام عليكم
دخلت باعلمكم وش سويت لما رحت عند الدكتورة فاطمة الله يبارك لها في رزقها وينفع بها سمعت مني وهدتني وقالت قومي اكشف عليك كشفت وقالت عندك التهابات شديدة قلت لها اكيد لان الخياطة فيها وفيها وقمت اعيد الكلام قالت اسمعيني الخياطة للامانه عندك ممتازة والحق يقال لكن المشكله عندك الالتهابات وهي اللي سببت لك خوف عشان كذا تشدين نفسك وتقفل المنطقه معاك وتزيد الحاله تسوء المهم قالت لي صدقيني مع الوقت امورك راح تتحسن لانه الخياطة جدا رائعة حتى لو حسيتي انها ضيقه الحين راح تتوسع مع الوقت انتي بس ارخي نفسك ولا تشدي واعطتني ادويه ومضادات وكريمات منها كريم تقول قبل العلاقة حطي منه شوي راح يساعدك كثير حسب مافهمت انه يرخي العضلات وقالت لو مرت 3 شهور ماتحسن وضعك ارجعي لي اسوي لك اللي تبغين.

طبعا اتوقع لاني قايله للدكتورة اللي خيطتني اني مو ناويه احمل مره ثانيه فخياطتها مثل مافهمت وكاني لسى ماخلفت وهذا اللي تعبني لاني تعودت ان الوضع مو كذا حبيت اعلمكم وش صار وللامانه الدكتورة فاطمة كانت تقدر تقول راح اعيد الخياطة وهي الكسبانه ماديا لكن ماشاء الله تبارك الرحمن انسانه راقية في تعاملها وامينة في شغلها وقبل ما اطلع قالت ربنا يبارك لك ويهنيك انتي مو محتاجة توسيع محتاجة وقت بس.
وسلامتكم