بنات مين انظلمت وربي اخذ حقها بدون ماتسوي شي كل وحده تكتب قصتها او قصة شخص تعرفه

امي وابوي انظلمو ظلم قوي جدا مايتحمله احد من قوة الظلم امي بغت تنجن والحمدالله ربي نصرهم ع من ظلمهم وعوضهم وحرفهم محرف خير سبحان ربي المنصر عباده اخواتي ايااااكم والظلم اياكم والظلم اياكم والظلم والشمااااااااته انتبهو منها الله يجزاكم كل خيررر موضوع جميل بس اتمنى مايكون فيه نوع من الشماته

أنا راح اقول قصتي ممكن تكون تافهه و مو بقصد الموضوع بالكامل بس حبيت اذكرها
انا تزوجت مع عروسه ثانيه و بقصر مو قديم بس اغلب العيله تزوجت فيه وحده من قرايبنا قعدت تتمصخر علي ان شلون تتزوجي مع وحده ثانيه و هالحركة بطلوها الناس و انا لو اموت م اتزوج مع ثانيه و تمصخرت ع القصر ان ما باقي احد ما عرس فيه من جماعتنا و اني نزفيت متاخر بسبب مشكله زحمة الطرق و سكتت كنت مقتنعه بس انقهرت من اسلوبها و وكلت امري لله و بعد مرور 3 سنوات من زواجي توها عرست بشهر شوال و مع عروستين غيرها و بنفس القصر و م قدرت تاخذ راحتها و ما زفوها براحه مع زوجها يمكن ربع ساعه بس خايفين يجي الفجر و ما خلصو من باقي العرايس و كانت طول الوقت مقهوره و تبكي

انا كان في ناس تشمت فيه كثير وتسب وتعيب علي وكنت ارد عن نفسي ومرت السنين وكل من عاب وسب وغلط وظلم رجع فيه ماقال الشماته الظلم اللسان يابنات

"اللهم لاتجعلنا من الظالمين والشامتين يارب العالمين"

انا انظلمت كثير بحياتي الحمدلله على كل حال
وانا بطبيعتي مسالمة ماعرف انتقم ونصر الله خير من انتقامنا
انا انظلمت كثير من خواتي سنين وانا بعذاب منهم ويفرقون بيني وبين امي المهم مره انخطبت وبنفس الوقت انخطبت اختي وطبعا خواتي مسوين حزب لهم بلحالهم من كنت صغيرة وهم مو متقبليني سبحان الله ولان خطيبي مو خطيب الاخت الحبيبة لهم قدروا يفرون مخ امي علي مارضت تضيف اهل زوجي كانت ضيافتهم بصحون بيتنا اليومية وخطيب اختي بصحون المناسبات الفخخمة وذبيحه مسوينها له عكس خطيبي وربي اتوتر كل ماتذكر ذيك الفترة الله لا يعيدها 💔 المهم خذت امي اختي للسوق وانا بسبب تحريض خواتي علي مارضت تشتري لبس يناسب للشوفة والله اني اتذكر بشوفتي لابسة تنورة الجامعه ومقطوعه من تحت بس عشانها ساترة وطلعت عليه وبعدها طلعت اختي على خطيبها مع العلم انها خطبها 4 مرات والوالد يرفض يعني متمسك فيها وكانت كاشخة بجلابية فخمممه والله انها كانت جميلة وافضل من شكلي مليون مره وسبحان الله رفضها خطيبها وانا انصدمت ان زوجي وافق علي مع ان شكلي بسيط ماشاء الله وربي لك الحمد اني كنت بهذيك الفترة مواصله عالوتر والدعاء والصدقة وربي فرجها وبالنسبة لخواتي عشان تزوجت قطعوا علاقتهم فيني تماما حاولت اصلح الحال هدايا وتودد ولكن كل العدوات ترجى مودتها الا عداوة من عاداك من حسد 👌


اسفة اذا ثقلت عليكم