انا ب اقول لك قصتي مع اني ما احب اتذكرها لانها توجعني مرة كنت ادرس بكلية الطب و جاء وقت الامتياز حقي كان فيه وحدة مستقعدة لي مدري تغار مني مدري وش سالفتها هالانسانة تقرب لي و اكره اقول انها تقرب لي المهم صرت اداوم في المستشفى و بعدت عن الناس لاني اتعب و غير كذا كنت ادرس الصباح و موظفة في الليل علشان اصرف على نفسي و اساعد امي بمصاريف البيت ف اعتزلت الناس و جمعاتهم و مناسباتهم لاني ارجع البيت هلكانة و ما عندي وقت للطلعات المهم كان فيه عندنا مناسبة كبيرة و الكل موجود راحت قالت للبنات تعرفون ليش ميعاد ما عاد تطلع معانا لان الهيئة مسكوها مع صاحبها و ما ادري ايش المهم انها قذفتني و شوهت سمعتي بعد المناسبة ب اسبوع صار الناس يتكلمون فيني و ما يحتكون مع امي و يبعدون عنها و الكل يقول لها هذي نهاية تربيتك كان خليتيها عند ابوها يعرف يربيها و امي مسكينة ما تدري وش السالفة المهم ربي اراد يفضح هالبنت جات امها عندنا البيت وجلست تغلط على امي و تتكلم عليها و قالت لامي كلام ما ينقال عني امي عصب و قامت علي ضربتني ضرب من قوته دخلت المستشفى انا من الصدمة ما قدرت ادافع عن نفسي و امي ما عاد قدرت تتحكم في اعصابها بعد ما طلعت من المستشفى جمعت اقاربي كلهم و قلت لهم حسبي الله ونعم الوكيل فيكم كلكم الله لا يسامحكم و ياخذي حقي منكم في الدنيا او الاخرة و من قهري قلت لامي عمري ما راح اسامحك لانك صدقتيهم بدون ما تسأليني و انا طول الوقت قدامك ما اروح ولا اجي كيف اسوي هذا كله تحسون كل اللي موجودين جاتهم زي الصاعقة الكل جاء يعتذر مني و يطلب مني استغفر قلت لهم قولو لي مين طلع علي هالكلام و اسامحكم قالو لي فلانة بنت فلان ناظرت امها وقلت لها الله ينتقم لي منكم و دخلت غرفتي والله ي بنات سنة كاملة يدقون على امي هيه و بنتها يترجونها اسامحهم و انا نسيتهم و طلعتهم من حياتي ولا عاد دعيت عليهم ولا شي بعد السالفة ب 3 سنوات جانا خبر انو فلانة مسكتها الهيئة مع شاب في خلوة غير شرعية و انسجنت سنة بعد ما طلعت من السجن جات عندنا البيت وقالت لي هذي حوبتك ي ميعاد ربي اخذ حقك مني في الدنيا قبل الاخرة وصارت تبكي ماكنت ابي يصير معاها كذا وربي بكيت معاها وقلت ياليتني سامحتها لوجه الله الا السمعة و الشرف صعبة بس كما تدين تدان
اااه ي بنات اكتب لكم و انا ابكي للحين ماني مصدقة اللي امي سوته فيني بسبب اشاعة
اسفة طولت عليكم بس يمكن لان هالشي مخبى بقلبي ولا احب اتكلم فيه مع احد جاء وقت انه يطلع
بنات مين انظلمت وربي اخذ حقها بدون ماتسوي شي كل وحده تكتب قصتها او قصة شخص تعرفه
متابعة النقاش، صفحة 4