سلام عليكم ورحمه الله وبركاته
بدخل ف الموضوع ع طول ..
اخوي جاني وطالب رأيي ومشورتي وانا ف حيره من امري لانه اخوي هذا من بين اخواني مررره كتووم ومايطلع اي شي وهذي المره الوحيده الى صارحني وفتح لي قلبه وطالب مشورتي بمشكله بينه وبين زوجته . وانا ف حيره ايش ارد عليه وابي رأيكم.
اولا : اخوي ملتزم من المسجد للبيت ل دوامه ل مزرعته فقط و مرره كتوم ومايحب احد لا ابوي والا اخوان زوجته والا امي ان احد يدخل بحياته الزوجيه او يعرف تفاصيل شي داخل بيته سواء مشكله او شي بينه وبين زوجته حتى اوقات تصير مشكله ونسمع صوته وزوجته ف البيت تسأله امي يقول مافيه شي نقاش بسيط وانتهى .... وطبع عايلتنا ناس اجتماعيين ودايم نجتمع حريم اخواني وخواتي ف مزرعه ف استراحه مناسبات الا زوجته ماتحب تجتمع معنا من بدايه زواجهم....
ثانيا : زوجته من برا قبيلتنا تعينت معلمه بوساطه اخوي الى هو زوجها بعد ثلاث سنوات من زواجهم عندهم بنتين وولد ماتحب الاجتماعات هي معلمه والا مره شفنا زميله لها داخله بيتها ... مع العلم انه ف بدايه زواجهم زرناها وجبنا لها هدايا ونعزمها وماتحضر الا اذا غصبها اخوي وتتحجج وتقولها ف وجيهنا انهم ناس غير اجتماعيين وماتربت على الجمعات
عطيتكم نبذه عنهم عشان الاخوات الى عندهن خبره او مشوره يكونن عارفات كل شي
بنقل لكم رسالة اخوي حرفيا ليا ع الواتس الى ابي مشورتكم فيها ......
مدري كيف ابدأ وانتى عارفه وشايفه كل شي من بدايه زواجنا 10 سنوات وانا صابر واقول تبيي تتغير واسامحها احسها طيبه وتساعدني اذا احتجت منها شي لاكن احس بداخلها ماارد يطلع ف اوقات اقول عنه يمكن هذي غيره الحريم و اوقات اقول لايمكن عشانها تربت ف بيت عمها بعد ماتوفا ابوها وتزوج عمها امها وعاشت على الطبن ومكايز الحريم وقطيعة الرحم تصدقين تقول عمها زوج امها الى هو اخو ابوها مع انه بنفس العماره تقول اخذ عنه بالاشهر ما اسلم عليه وعمتها اخت ابوها جنب بيتهم تقول ما اروح لها واسلم عليها الا في العيد . و اوقات احس بداخلها نظره سوداويه لكل حرمه تقابلها تذكرين جارنا ......... كانت بنته بنفس المدرسه و اوقات يقولي الشايب جيب بنتي معك عنده مشوار او مراجعه بحكم ان اولاده برا المنطقه يجن جنونها ليش تركبها وما تناديها من المدرسه تروح معنا ... احرجتني مع جارنا لدرجة ان البنت فصلت من المدرسه بسبب ان ما احد يوديها ويجيبها ..
موقف ثاني برضوو جارنا .... زوجته موظفه إداريه معاها بالمدرسه يجن جنونها اذا ركبت معنا نوصلها زوجها اتصل على وقال جيب زوجتي معك عندي عمل او مشوار ما اقدر اجي اخذها ..لدرجه انها مخاصمتها وماتكلمها وماسحه رقمها تقول ما ابغاها تركب معنا...
حاطه ف بالها اني بتزوج عليها مع ان الموضوع هذا مو ف بالي على اي شي تقول انت تبي تتزوج علي انتم ي ....... تقصد قبيلتنا تحبون التعدد وعلى اتفه سبب تقول انت تبي تتزوج على اقول ابي ابيع المزرعه ترد وتقولي ايووه تبي تبيع المزرعه عشان تتزوج بفلوسها اقول ترقيت ف وضيفتي تقول ايووه تترقا عشان تتزوج على اتروش واتعطر تقول ليش اكيد بتروح تخطب....
حاطه ف بالها ان امي وخواتي يحرضوني على الزواج
او يحرضون على المشاكل مع العلم اني ماعمري دخلت عليها وقلت يقولون او ليش قلتي وانتي عارفه اخوك مايحب الهرج الزايد
اوقات تقولي خالاتي يقولن ال.... يحبون التعدد وانت راح تتزوج علي
تصدقين السنه الى فاتت طالبه نقل للمدرسه الى جنب بيت امها تقول متوقعه انك بتتزوج على و اذا تزوجت بطلب الطلاق وتطلقتني اكون جنب بيت امي ..... وكلمت امها واخوها وقلت اذا م الغت الطلب ونقلت عندكم راح تكون طالق والحمد لله الغت الطلب....
واذا قالت سالفه اسكر الموضوع ف وجها واقول لاتدخلين الهرج الى برا داخل بيتنا
دايما تردد طلقني ...
احسها تتاثر بسرعه اوقات زي العسل بس تروح لأهلها وتجي تقول طلقني
اطلع من البيت ما بينا اي شي ترسل رسايل انها مو طايقه العيشه معي لانها عندها احساس اني بتزوج عليها
اوقات اقول لاتكون مريضه نفسيا......
احسها اخذ موقف عدائي من العايله او احد يحرضها ومعبي راسها ... اناقشها اقولها امي تاخذ بالاشهر ماتدخل بيتي... عمرها جات قالت اطبخي لي او قالت تعالي اكنسي بيتي او قالت لك ي ...... ليش سويتي كذا او قلتي كذا ... عمرها ما هاوشتك او رفعت صوتها عليك . او طلبت منك طلب ....
تقول صحيح اقولها طيب ليش العداوه والموقف السلبي منها تتلعثم بالكلام وتضيع منها الاجابه ...
آه بس آه .....
قسم بالله ماكاسر ضهري ورادني لا اطلق الا اولادنا حراام مالهم ذنب
شوري علي ي اختي تفهمن سوالفكن ي الحريم هذي غيره الحريم الى يقولون والا ايش والله تعبت ما اقدر اتحمل خلااص طفح الكيل ...... بديت اافكر ف الطلاااق .....
شاركي في النقاش
سجلي الدخول لإضافة تعليق.
التعليقات
111- خليه يوديها دكتور نفساني واضح ان عندها مشكله او عقده ماثره عليها وهي صغيره يعني لازم تتعالج هاذي وجهة نظري وقولي له يجلس معها جلسة مصارحه يصارحهها بكل الي في قلبه ترى جلسات المصارحه بين الزوجين تحل اغلب المشاكل
- ما اشوف في مشكله فعليه
احس كل الحريم كذا
انه ما يوصل حريم معاه بالسيارة حقها وأنها ما تحب الجمعات بكيفها مو غصب - يمكن هي من وهي صغيره كانت تشوف شي بين امها وابوها او ممكن شافت الغيره لما امها تزوجت عنها والمشاكل وممكن ابوها من النوع اللي كان يهدد بأمها بالزواج او الطلاق فتكونت هالصوره براسهااا هو ماله ذنب اخوك وهي كمان مالها ذنب ممكن من كثر ما سمعت وشافت او اخوك يمكن رما سالفه وحزت فيها او رما كلمه عليها ونساها ومسكت معها صارت تحس بأي لحظه بتزوج ومن ناحية انها ما تجيكم لان كثيرين يقولون اهل الزوج ما فيهم خير خليك رسميه وهي من النوع اللي يتأثر بسرعه من القصص والكلام عرفتي لازم اخوك يحسسها انو مستحيل يتزوج عليها وبأفعال واقوال عشان يروح وسواسها وانتم عاملوها تمام يمكن ع بالها بتحرشونه عليها ولا تكرهونها ولا بتكيدون لها
- الله يكون بعونه لاحوله ولا قوة إلا بالله
خليه يوديها قاري - اعتقد متعقده من كانت صغيره
او فيها نظره
مواضيع مشابهة
تابعي تجارب أخرى من هذا القسم.