🍼التجمع(5) لأمهات يناير وفبراير2017 🍼

جزاك الله خير طمنتيني
بروح اسوي سونار بتطمن اكثر

اي بالنسبة لهم الحين ماعاد فيه أرقام توزيع زي قبل كان يوزعون الأرقام وانتظار وحوسه الحين لا تحجزين موعد من الجوال بس الأرقام للمختبر وكنت اروح قبل الحمدلله أخلص سرعة الا ذي المره علللللله مممره ماصدقت اني بخلص والله انقهرت لأن تعبت من الجلوس وبطني اوجعني وصمت وقت طويل عشان التحليل لكن الله يعين إن شاء الله والأحد قالت لي تعالي بدون رقم على طول عندي حلو بس المشكله مابغى ارجع اشرب المحلول 😭 قرف استغفر الله ذاك البرتقالي ، ، لا والله ماجربت غيره وهذي أن شاء الله بتكون أول ولاده يوم أجهضت الجنين في الحمل الأول رحت لأمي بس توووووبه خلاص أن شاء الله مره زفت المستشفى اللي عندهم أهلي بالجنوب عشان كذا ماراح اخاطر وبولد لحالي والله يسهل أمري وامركم وان شاء الله بتجي ام زوجي اذا ولدت وان ماجت قعدت أسبوع أسبوعين وسافرت طيران كلها ساعه أن شاء الله 😣😣 لكن أحس تعب السفر في النفاس ومو حلو لكن شسوي امي ماتقدر تجيني عندها اخواني مدارس تقولي انتي تعالي وانا مستحيل أجافز خدمتهم سيئه مره والله في بعض الأحيان لمن أفكر كيف بولد لحالي ولازم احد معي خصوصا أنه أول ولاده أن شاء الله اتعب لكن أحاول اتناسى وأقول تتيسر أن شاء الله ربي مابيخيب ظني أن شاء الله ، ، وريني صورته ياقلبي ولا عليك أمر الحوض حق عيالك بشوف شكله لأن مدري كيف ماقد شفت اللي طبقتين ونسخت كلامك عشان اعرف ارد تحته ههههههههه

ام بناتي ماتشوفين شر إن شاء الله وطمنينا عليك ، ، انا بطني ذي الأيام من فوق السره والجوانب مشدود وفيه الم كذا زي الم التمدد ولمن امسكه قاسي بس ماعليه أحس عادي عشان البطن كبر لكن مدري كل حاله تختلف عن الثانيه الله يطمنك يارب

ااااااه ياقلبي أما الم الظهر صدق من كثررر الجلسه انا لمن طولت بالانتظار بالمستشفى وانا جالسه صدق رجعت البيت يالله قعدت اتغدى ظهري ووركي كله رايح فيهااا ف الله يعينك ويكتب أجرك ياقلبي وأهم شي انك تحسين بالحركة أن شاء الله مافيه شي 😍😍😍😍 ، ، والله يعينك على الدوام بس أن شاء الله فترة وتتعودين والله انه مشوار مع الحمل الشرح تعب كنت اشوف معلماتنا لمن يشرحون وهم حوامل تتعب ويبان عليها ونفسها يروح بسرعه ، أذكر الترم الأول العام استاذتنا منفسه أغلب وقتها 😂 وماكنا ندري وش فيها وبسرعة تفقد اعصابها ومرات تصير مروقه وتمدحنا 😂 لمن جاء الترم الثاني طلعت كرشتها طلعت الأخت تتوحم رحمتها الله يعين لأن الحامل جد ماتتحكم في مزاجها

الحمدلله سويت سونار تقول كل شي زين لكن المويا قليله كثري من الماء