🍼التجمع(5) لأمهات يناير وفبراير2017 🍼

ممماشاء الله تبارك الله 😍😍 أهم شي سافرتي وغيرتي جو ودامك تحسين بالحركة خلاص أن شاء الله مافيك إلا كل خير ❤❤❤ بس كم كانت المسافة يوم تعبتي بالطياره؟ ؟ ، ، ههههههههه أي أن شاء الله البنات لمن يقضون يورونا وش الأشياء ونشتري احنا بس في التجمع اللي قبل قائمه بالاغراض حلوه مره لبرنسيسه ولدنيا صعيبه ومتكاملة وسهله ، ، وأما على النوم خليها على الله أحس اللي متعوده تنام على جمبها من قبل الحمل أسهل لها انا أغلب شي كنت انام على ظهري وأحيانا على جمب من بطني :( فقدتها لكن يلا أهم شي نولد على خير ان شاء الله بعدين نرجع ننام على كيفنا بأذن الله وحتى انا أقوم أوقات وانا على ظهري بس شسوي عادي خلاص الدكتورة قبل أيام تقولي وانتي صاحيه الأفضل ماتنامين على ظهرك أبد ولا حتى تتسطحين عليه بس إذا نمتي خلاص النايم مثل الميت وش تسوين عادي لكن إذا صحيتي وانتي على ظهري عدلي نفسك وخلاص مرفوع عنك القلم وانتي نايمه وبس

زين الحمدلله ، اسمع موية زمزم زينه مره عشان موية الجنين عاد تصدقين حتى انا نفسي مره اعرف كيف المويه اللي حول الجنين لأني مدري كيف هيه لكن استودعته الله

ههههه ايه البرتقالي حق السكر لسى ماشربته لكنه جاي ان شاء الله بالطريق ،

لازم تكوني صايمه ،، انا اذا شربته اجلس شوي ويجيني مثل الاغماء او النوم وخفقان شديد لكن الحمدلله يعدي الموضوع ويكون السكر تمام .. لكنه الله يديم النعمه .:(

اه اذا كذا ظروفك فالحمدلله على كل حال وان شاء الله فترة بسيطه وتعدي على خير .. ومادام جربتي مستشفى الجنوب وما ارتحتي له نصيحه لاتجازفي هذي ولاده مو لعبه خليك مع الحرس ممتازين وحريصين حتى لو كانو زحمه وضغط عليهم ، وان شاء الله تتيسر امورك .

الولاده الاولى ان شاء الله اسهل من ناحية العنايه فيها بنفسك وبطفلك لان اغلب وقته نايم ،، اهم شيء فيها تكون نفسيتك تمام وتتغذي زين ومادام ام زوجك بتجي فالله يجزاها خير وماراح تقصر ان شاء الله .

الحوض عجزت القى صورته من النت مالقيته مدري ليه ، بحاول ابحث اكثر او اصور لك اللي عندي لانه حاليا بالمخزن .:)

ليه ياعسل بتنفسين في بيتك وأنتي بكرية أحس تحتاجين مساعدة

اسفه اذا دخلت بخصوصياتك بس مجرد نصيحه الا اذا مرتبه وضعك

كثيره المشاركات ماشاءالله 😅 ونظام الرد يرفع الضغط


برد ع اللي اتذكر


نجمه الجلاسه ذي ماأنصحك فيها ان شاءالله اصور لك اللي أقصدها لأنها عند اهلي استخدمتها لولدي واستخدمتها اختي لبنتها وباقي جديدة ماشاءالله وصراحة كنت اعتمد عليها اذا كنت في اي غرفة غير غرفة النوم اخليها مثل السرير وأحط بطانية وكل ماكبر ولدي جلسته وهكذا


بالنسبة لأسماء البنات لهالحين محتارة ماأدري وش اسمي 😢 ياصعب اسمائهم وودي بشي مميز


بس جنى حلوووو وحلو مره بس عندنا فالعائلة ع كذا مستبعدته 😊


بالنسبة للنغزات ياحبيبة امها ترى ممكن فعلاً من كثرة الجلسة لأني امس عانيت منها وصراحة مؤلمة ومزعجة والسبب والله أعلم اني كنت جالسة ع النت بسجل وموقع جدارة معلق 😠


الشوشو هذا السرير عطوناه فندق لولدي بس تو اعرف انه يطبق وسرير ولدي نفس السرير الأبيض بس بني 😊


ونسيت من بقى 😅🖐🏻