ضايق صدري

ضايق صدري يابنات ليش الناس غير اليوم رحت مناسبه وياليتني مارحت تعالوا شوفوا الالماسات الرولكس اللي أتمناها ماعندي كلهم لابسين روليكس والماسات والفان كليف وكارتير الا انا ليش ماعندي زيهم أتمنى أصير البس مثلهم تعالوا شوفوا الكشخه اللبس والجزم ع العموم هم دائما كيذا الا انا عاد انا قطعت فتره ورجعت وهم للاحسن بعد انا مرا تضايقت وغصبت حسيت أني ولا شي عندهم. حتى قلت لزوجي ارسلت له قلت الناس كلهم لابسين الا انا الله يرحم الحال

12 تعليق 1,048 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_ord_alord

    عزيزتي صدرك بيضل ضايق إذا استمريتي تقارني نفسك بغيرك والمثل يقول مد رجولك على قد لحافك
    إذا انتي ربي منعم عليك البسي واكشخي أما إذا وضعك على قدك قدامك كذا حل أما إنك تسعي لتحسين وضعك عن طريق شغل او مشروع أو تقتنعي بالي انتي فيه أو تعملي مثل أغلب الناس جمعي القرش على قرش واشتري طقم الماس أو ساعه او الي نفسك فيه ترى كثير ناس وانا منهم نجلس نجمع طول السنة على شان نشتري قطعة ذهب ولا ساعه
    وفي كثير لبس وشغلات كشخه بأسعار معقولة وممكن تستني التخفيضات واشتري الي تقدري عليه
    بس بعمرك ماتجلسي تقارني نفسك وتقولي لزوجك شوفي فلانه وعلانة أما تشتغلي على نفسك أو تقتنعي بوضعك أو تجمعي مبلغ وتستني التخفيضات واشتري قطعه مرتبه
    اتمنى اكون افدتك
  2. @mlk_ansan_1

    ماشاءالله .. اللي عطاهم يعطيك ، القناعه حلوه والظروف تختلف .. وش تساوي هالألماسات والماركات لو فاقده شي من صحتك ! قولي الحمدلله وانا م اقول لا تتمني ب العكس كلنا نتمنى بس لما نفكر ب منطق فيه أشياء أهم دام ربي منعم عليك ب الصحة والعافية والستر وراحة البال كل شي غيره يهون المهم لاتخلي هالموضوع يأثر عليك وتضغطين ع زوجك وتلاقين الضعيف قليل حيله وده هو بعد ف أشياء ومايملك ثمنها

تابعي تجارب أخرى من هذا القسم.