يالمتزوجات ممكن تدخلوا

قريب مما اردت ان اقول

مااقولك يوميا مرتبه وممكيجة
بس اهتم صراحة في بشرتي واقص شعري واصبغه ويدي واظافري لانه يهتم في منظرها كثير
بس احيانا اكون طفشانه فيتقبل الوضع عادي😜✌🏻

وانا تقريبا زيك عندي 2 ولي 9 سنوات زواج بس الصراحه ماحط مكياج بعد المغرب لان زوجي مايحب وانا ماحب بس ارسم حواجبي وممكن مسكره وكحل ومرطب خفيف والتنظيف نصيحه لو ماتخلي الوساخه تتراكم يصير سهل التنظيف يعني كل يوم نظفي مكان استخدامك اليومي زي غرفه النوم وغرفه العيال والجلوس والمطبخ هذه يوميا والحمام ع حسب غالبا لمن ادخل اتحمم مره وحده ...وبالنسبه لشعر الجسم انا مشعررره وشهريا مع الدوره متعودة اشقر واشيل شعر جسمي بآله الشمع بس الحين توي بديت ليزر الحمدلله

لا مستحيل وحده تهمل نفسها لذا الدرجه سلامات اشهر ماتشيل الشعر ومدري ايش لا مستحيل هذه بالغتي مره صراحه والله لو عندها عشره تؤم

اول شيء ابدي يومك من الساعة 8:00 الصبح نضفي البيت قومي سوي الريوق و لازم تقومي العيال الساعة 9:00 الصبح عشان يكون يومهم يوم منعش و خليهم ياكلون الريوق سيري عند زوجج و خبرية شو تبي تاكل , جهزي الاغراض للطبخ , بعدين استريحي في مكان اشربيلك اي شيء بارد او حار شوفي الفون لمدة قصيرة , بعدين سيري المطبخ و جهزي الغداء , بعدين كلي معا ريلج و عيالج , بعدين خلاص صار عندج وقت لنفسج .
صح انا مو متزوجة بس امي كانت كذا تسويلنا حتى لين اليوم الي كبرنا فية .
الله يسعدك يارب

اما الزوجه تنسى تزيل شعر جسمه شهور 😳😳😳
لا هذي مبالغه
الله يخلي لنا الموس مافيه شهور ولا شهر كل مادخلتي للحمام مرري الموس على شعر الجسم
الا بالزواج الزوج مايشوف شعر جسم زوجته شهور وحنا بنات نشيله عاد ننساه وحنا زوجات مافيه بيت يشغلنا عن شعر الجسم والنظافه
ايوه ممكن الخلطات والكريمات ذي تبع العنايه بالجسم والبشره والشعر ايوه ذي اصلا اعترف مافيه جدا نادر
حدي جل للجسم وشامبو للشعر وخلاص ولوشن ترطيب بعد الحمام ذا حدي
لكن خلطات تفتيح وترطيب ولخ ولخ هذي قوليها
اما شعر الجسم 😰 مافيه متزوجه تخليه
مو تتروش الوحده بالاسبوع كم مره خلاص ازالة الشعر بالموس مو متعب
انا عني مووووس ماحب حلاوه ماحب شمع والحمدلله
والحين ربي اكرمني وشريت ليزر منزلي ورتحت اكثر


وبديت اسوي خلطات صابونيه بدال جل الشور
اخليه برطمان بلاستك كبير بالحمام وكل ماجيت اتروش استخدمه وبس


والبيت مو يومياً تمسيح كرف
مره بالاسبوع اكرفه كرف اقلبه قبل
وباقي الايام تنظيف سطحي كنس بالمكنسه الكهرب ومسح الاسطح اذا فيه غبار او زيوت او من الاطفال
عيالي اجبرهم يرتبون اللعابهم ولا ارميهم بشارع 😁
عشان كذا يخبونها عني يجون ينشلونها بالصاله ويخلونها واذا جيت وشافوني ششت شالوهن
بنتي كسوله بس غصب عليها واجبار تشيل شي تلعب فيه اذا خلصت منه
انا انا اكرف طول الوقت وعيالي مايتعلمون التنظيف والترتيب مع امهم حتى الولد لازم ينظف ويرتب
عشان يتعلم اذا كبر انه يساعد مو يساعدني بس خواته ثم زوجته


الله يسخرلنا يارب
شعري كنت اخليه مااربطه بس شباصه صغيره اشيل شعرات اللي على جنب وخليهم ورى
بس شعري يطيح بشكل فضضضضضيع تعبت واتعبني واهلكني انظف الفرشات او السراميك من الغبار ولا من شعري شعر طويل حتى زوجي تضايق منه من تساقطه
بيتي يشتكي مو من الغبار يشتكي من شعري اللي انتشر بكل مكن انظف كم مره بالمكنسه المهربائيه من شعري
صار زوجي يقول اربطي شعرك خليه كعكه فكينا من شعرك بكل مكان نلقاه


مليت انا وقصيته فكتوريا خليه يطيح شعيرات قصار ولا طوال احب واعشق الطويل 😭 بس حرمني التساقط
عارفه يحتاج علاج من جوا بس فقر دم وعندي الغده
اعالج حدي الغده لي سنين بس شعري اتعبني تساقطه
الله يشفيني من الغده ياقادر ياكريم وجميع المسلمات