رداً على بعض العقليات اللي ردت علي امس في موضوع زوجي وضربه لي

الله يعينك ويهب لك مخرجا ...حياتك بيدك انتي تقدري تقررري ..والي ابدو نصايحهم اتوقع ماقصدو الاساءه لك بقدر النصيحه

موضوعك الاول دخلت قرأته وفضلت اني ما ارد

لاني حسيتك متنرفزه ومغبونه وماحبيت اضايقك اكثر وجاء في بالي قل اخيراً او اصمت وقفلت الموضوع .




لكن معليش مهما كنتي متضايقه من زوجك واسلوبه احنا مالنا حق ندعي عليه وهو ماتعرض لنا بالاذى ولا نعرفه من الاساس فلو شاركناك الدعاء والتعدي عليه بنكون ظلمناه

كان من الافضل تدعين له بالهدايه والصلاح او اقلها قولي حسبي الله ونعم الوكيل وكفى ،لان رب العالمين ليس غافل ولا يخفى عليه شيء .

وبالنسبه لموقفك وتصرفك مع زوجك اسمحي لي اقول غلط ، ربما لو تعاملتي معه بذكاء ومره تشدين ومره ترخين وتفوتين وتتغاظين وتمتصين غضبه كان امداك عودتيه على انه يروق ولا يمد يده

للاسف انتي عودتيه انه لازم يمد يده عليك عشان تمشين مستقيم وهذا اكبر غلط طبعتي في تفكيره وانا ما ابرر لزوجك الضرب لان الضرب غلط ومو من حقه


سبحان الله اشوف زوجات كاسبين ازواجهم بحلاوة اللسان وحسن المعشر تعرف متى تبتسم ومتى تفوت الكلمه ومتى تقلب الموقف مزح هذول زوجات ذكيات مايحبون النكد والمشاكل ويبون الحياه تستمر

لا تقولين انا جالسه معاه عشان العيال ، لو كنتي جد جالسه عشان العيال كان عرفتي كيف تكسبين زوجك بحسن الكلام والاسلوب والمعامله عشان عيالك ومستقبلهم

واذا على الضرب للاطفال صحيح انا ضده وبشده لكن اذا جينا للحقيقه شوفي اغلبنا انضربنا ضرب مبرح بالعصي وهذا احنا عايشين

مشكلتك مع زوجك بينكم سوء تفاهم وكل واحد يحب يفرض ويبرز شخصيته كأنها حرب لازم واحد يفوز بالموقف

والغلط الاكبر ان الزعل على اتفه شي يستمر ساعات وايام وتبقين صامته يكلمك ويناديك وانتي ساكته بالله وش تبينه يسوي لك ؟ يحس نفسه متهم ومايدري على ايش

تعودي انك تتفاهمين معه وتناقشينه اذا حصل خلاف او مشكله ابعدي ثم اذا جاء كلمك ويسألك ردي عليه بهدوء وعبري عن مشاعرك قولي له الموقف الفلاني ماتوقعته منك وفضفضي بحدود الادب بدون لا تغلطينه او تظهرينه شرير بس تكلمي عن نفسك بتلاحظين انك مرتاحه حتى لو ما اعطاك الشي اللي تبينه اقلها نفستي عن غضبك وماجمعتيه بخاطرك وهو يجمع بخاطره ثم تنفجرون

حياتك قابله للاصلاح والتحسين لكن اول شي انتي لازم يكون لك نيه ورغبه في الاصلاح مهما كلفك الامر من تنازلات عن امور وحالات وانفعالات انتي متمسكه فيها سابقاً

فكري انتي وش تبين وفكري الى متى تستمرين على هذا الوضع

صحيح زوجك غلط وصحيح الضرب والتلفظ غلط لكن بما انك قررتي تعيشين معاه فكري كيف تتأقلمين معاه وفكري كيف تتعاملين معاه بأسلوب يقلل من حدة الخلافات والمشاكل بينكم

واهم شي استعيني بالله وتوكلي على الله واصلحي نيتك وسريرتك عشان ربي يصلح لك حياتك وادعي لنفسك ولزوجك بالصلاح والهدايه وان يؤلف الله بين قلوبكم

ماعليك منهم مخلفات التربيه الدكتاتوريه وينهم عن ايات الله واحاديث نبيه ووصاية رسول الله للمراءه وعلى فكره حديث سجود المراءه حديث ضعيف وهذا نتاج التربيه لتقديس الرجل حتى الدين فهمناه غلط لصالحهم عرفتوا ليش كثروا عندنا الليبراليات اما انتي اختي صاحبة الموضوع اسأل الله بوحدانيته التي لم نسجد بها لغيره ان يصلح حالك وحاله ويتولى رعايتك انتي وعيالك ويشرح صدرك ويلهمك الحكمه والفرج يارب وكل مستضعفه

والله يا قلبي انا من الناس اللي ردت عليكي انك استفيزيتيه بس والله ما اقصد اضايقك او اقول انك انتي الغلطانة وتستاهلي الضرب لكن قصدي انه طالما انتي عارفة وضعه خلاص ابعدي عنه مثل ما بيقول المثل ابعد عن الشر وغنيله .وبالنهاية حكمت من مرقفك وقلت اذا انتي كل مرة هيك بتعملي وهو طبعه عصبي وما بيعرف الا الضرب خلاص راح يضرب .على كل اسفة اذا ردي ازعجك وما اقصد ولا بدي اعمل حالي فهمانة وربنا يصلح حالكم باحسن حال.

حقوق الانسان بلغيهم قسم بالله صادقه يكلمونه اطفال ابرياء يطقهم ليش وحتى انتي يطقك ليش / وانتم تقولون لها اسلوبك استفزازي ليش تبونها تقول سم وابشر وهو يطقها عجيب والله /استخير الله فيه وكثري استغفار