هل اخبر زوجي بممتلكاتي ؟!؟! << مشكلة عضوة بالمنتدى

ارجعي للوظيفه ولاتعلمينه بشي مو خوف لان هذا حلالك وانتي حره لكن لان بيرمي كل المصروف عليك وبينكد عليك
ارجعي وظيفتك واذا مو عاجبه يطلقك
ابو الحريم النسونجي

لاتخببيها .....ملعون من خبب امرآءة على زوجها....فيه حلول كثيره بدل الطلاق...

رايي تدوري لك شغل من النت
انتي عندك خبره سنوات كثيره
دوري بالنت وظيفة كمستشارة مالية
وطلعي لك رقم واشتغلي وقت وجود زوجك بالبيت طفي الجوال
بكذا انتي اشتغلتي وممكن يطلع لك راتب اكثر من اللي كنتي تاخذينه
وهالنوعيه من هالرجال يحب زوجته تطلبه اغراض ويتلذذ بالرفض او بكلمه ماعندي
لكن مع الاستمرار والاسلوب الحلو كل شي تبينه بيشتريه طبعا اذا كان موده عالي
شلون وكيف !
تقولين زوجك يحول لحريم فلوس
معناته هو مو بخيل لكن حريص مايطلع فلوسه الا للي يشوف انه مستفيد من ورا هالعطيه
شلون ؟
اذا جاء من برا البيت بيني له انك شغوفه بشوفته وقبل لايوصل البيت كلميه قولي وش مشتهي غداء
الصباح قبل لايروح للدوام قومي من بدري وقولي مشتهيه افطر معك مشتهي شي معين على الفطور
حسسيه انه كل شي بالدنيا
شلون ؟
اذا جلستي انتي وياه قولي تصدق وحده من صديقاتي اللي كنت معهم بالدوام يوم عرفت انك السبب بخروجي من الدوام تخيل تقول اطلبي الطلاق واقعدي سبسبي بهالبنت وقوليقلت لها كلش ولا ابو عيالي من لي غيره ومن ومن ومن ومن وعطيه من هالكلام الرخيص


يوم عن يوم حسسيه انه مافي اغلى منك بهالدنيا كلها
وشهرين خليك كذا وبهالشهرين هذي لاتطلبين منه اي شي بتااااتا اقصد ماديا
لكن اذا حسيتي انه بدا يتغير اطلبي منه لكن مو بصيغه صريحه
مثلا وقفتو عند بقاله قولي مشتهيه الشي الفلاني ابو نص ريال مدري وش هالشهوه علي
مثلا كنتو تتفرجون على دعايه اي شي قولي الله يجنن وش رايك فيه
مثلا كنتو بالسوق وشفتو اعلان معلق عن اي شي قولي تعال تعال شوف هالاعلان والله يهبل
لاتطلبين منه بصيغه الأمر
الا ان تكون بصيغة اذا فاضي جب بطريقك الشي الفلاني


نقطه مهمه مهمه مهمه اذا اشترى اي شي حسسيه انك فرحانه


مثلا كنتي جالسه ودخل جايب شي قومي على طول وخوذي الغرض منه وقولي ياعلي ماذوق يومك ربي يسعدك ويخليك لنا واذا كانو العيال حولك قولي تعالو شوفو بابا وش فاجأني فيه او تعالو شوفو وش جاب بابا
واذا ابوهم عطاهم اي شي لو بنص ريال خليهم يقولون لابوهم شكرا وخليه يسمع وانتي تقولين للعيال قلتو لبابا شكرا
اذا احد كلمك وهو عندك كرري كلمة والله مايقصر معنا ربي يخليه
بالمختصر حسسيه انكم انتم من دونه ولا شي ولا شي ولا شي
صدقيني من ثاني او ثالث شهر بتجين لنا وتقولين انا وزوجي بنسافر ومحتارين وين نسافر
ومابي الا دعواتك الحلوة

اذا درا اول شي بيسويه يتقرب منك ويتغزل ويلعب بعقلك ويبيع ذهبك ويلهف فلوس الايجارات ويمكن اذا هو بياع حكي يبيعك البيت باسمه ترا بعض الرجال مافيه اوسخ منهم انا اقول مايحتاج يدري هو كذا كذا ماهو صارف عليك بس حاولي بالوظيفه قولي اشيل نفسي اقل شي

والله قلتي اللي باقوله
ياختي اذا الحريم المتعلمة والواصلة لمناصب عالية دا تفكيرها
اجل مالوم الغلبانات الللي لاوظيفة ولا شهادة ولا مال
حبيبتي خبريه عن حلالك
وانا ابصملك بالعشرة انه بيلف عليها وبكلمتين حلوة منه بتصير حلتله
قال اخبره قال
ياشيخة بلاحماقة