ام زوجي والمقارنات بين حريم عيالها

يمكن شافتك مسرفه حبتين وتبيك تمسكين يدك ما اظن عاجبتها بدليل اذا جو ناس ماتناديها وهالكلام والمدح ماتقوله الا قدامك الحل لاتعلمينها وش شريتي لاتشوفك مبذره وسلامتك

شوفي حبيبتي
بعض الحموات كذا تحب تقهر زوجة ابنها يعني اتاكدي مثل ماتمدحها عندك
اكيد بتمدحك عندها

بس معليش سامحيني من كلامك حسيتك تغاري ليش تمدحها
حبيبتي خلي روحك رياضيه ومثل ماقالت الاخت فوق واصلي مدح معاها وان شاء الله بتمل وتبطل حركاتها 😊

طيب يمكن ام زوجك تمدحك عند مرت حماك يعني سلفتك وش دراك ويمكن ذيك منفقعة مرارتها هههههه انا نصيحتي اذا سويتي الشي لا تتوقعين مقابل عشان ما تتحطمين انا كنت زيك اشيل و احط و أم زوجي حتى اسمي تغلط فيه تناديني باسم مرت حماي وهذيك رافعة نفسها بس طنش تعش تنتعش

احس مقارنتها بهالشي عادي مره مو مستاهل تزعلين ..
طيب تخيلي انها تقارن من ناحية الشكل والجمال والاهتمام بالزوج وووو .. وقدام زوجك المقارنه ايش تسوين وقتها
هذا وهي تقارن بشي عادي وزعلتي اجل لو شي مثل اللي قلته ايش كان سويتي. تعوذي من ابليس وخلي اذن من طين واذن من عجين

كبري دماغك وطنشي .. يعني بالله لو سويتي مثل سلفتك راح تمدحك ! بتقول الله لايبلانا فلانه بخيلة ع نفسها وبيتها خرابة ووو ... الخ .. يعني ف الحالتين الكلام موجود وأفضل شي انك تطنشي ولا تتحسي والشي اللي تسويه أحتسبي الأجر فيه ومايضيع عند ربك شي .. موفقه