هل حنا عندنا عدم حسن تدبير أو ايش السالفه

الاسلام دين الوسطيه لاافراط ولاتفريط
انا ماكسر ظهري الا المواجيب مع ان كنت مغتربه مااحد وجبني فولاداتي
غير الولادات حتى حافز صار شرهات تبين تجبرين خاطر اختك الي بلى وظيفه وجارتك الي خلفت وبنت خالتك الي سوت عمليه وفلانه الي عندها مناسبه
غير العجايز الي بتدخلين عليهم بشي وغير بيت اهلك الي بتدخلين بيدك مليانه وغير الزيارات وهات ياثقافة شعب كله شرهات وسحب وعطايا
الاجانب يتجمعون ويجيبون من بيتهم الميسر وعيالهم مع بعضيلعبون بلحدايق العامه لعب ينطلقون ركض من مراجيح لزحاليق مره علبالي بنتي زيهم قالتلي لاتودينا الحديقه مانحبها ولاتعجبنا لكن بعيون عيال الاجانب متعه ونا لمن اشوف الاطفال نفسي اقوم العب معاهم من الحماس
خلف الله علينا نروح مجمع ورجولنا تتكسر من الطوابق ونموت من الزحمه ولاعيالنا يبون من كل كشك يبون غزل بنات وشبس وكرسبي وعصير وكوفي وكل مافي المجمع يبونه
حلو للي يصرف بعقل البخل صفه كريهه والحرص الزايد يعني اشتري الي احتاجه من خضار وفواكهه قبل تخرب احاول اطبخها ومااجيب كميات
عندنا الاثاث تلقين البيت اجار ماقلنا شي كلنا نحب الاثاث والرقي والجمال لكن تلقينهم مايخلون شبر بالبيت الا دقو مسمار وعلقو وتحفه وزل وحشرولك البيت حشر عفش
كل مازاد عن حده انقلب لضده فبيت في اكل في كل شي
في ناس سعوديين رواتبهم قليله وماشاء الله عندهم حسن تدبير وتصرف وتلقين مايبخلون ع انفسهم ويسعون ل احلامهم يعني موفرين حق ارضيه
والعكس ناس دخلها كبير وطفرانه واموهم مبعثره ومشقلبه
اعطي نفسك وبيتك وعيالك وحياتك حقها دون اسراف او تقتير اسففففففه طولت

موضوع واقعي صراحه المجتمع يعاني من كميات فائض مهوله ولازم نتدارك هالشيء ونشكر نعمة ربي ونحافظ عليها قبل تروح علينا


ليش نجيب كيكات اربع خمس ادوار بذاك المبلغ عشان التصوير وفي الاخير محد ياكل منها


الشعب صار عنده طفح كيكات حتى الاطفال ماصاروا يفرحون بالكيك مثل اطفال قبل بسبب الطفح والتشبع


لازم نعيد حساباتنا وندرك انفسنا لان سفينتنا وحده واللي تقول كل واحد يسوي اللي يريحه لا كلام غير مقبول لان العقوبه اذا جت تعم اذا مانهينا عن هالمنكر الي للاسف لازال يتكرر خصوصا في الحفلات


حفله خطوبه وحفله توديع عزوبيه وحفله ملكه وحفلة شبكه وحفله زواج وحفلة عوده من السفر وحفلة تخرج وحفلة نجاح وحفلة خروج من مستشفى وهاتك ياكيكات وكريمات سبب تخمه وسمنه وفائض كان الاولى فلوسه تنعطى للمستحقين

سبحان الله آخر رد بهالموضوع كان قبل سنة تقريبا . .
وأسأل الله أن ماتكون هالتغيرات اللي بدأت هي بداية عقوبة الاهية . .
اللهم إن لم يكن بك غضب علينا فلا نبالي ..غير أن رحمتك هي أوسع بنا ..أغفر لنا زللنا وخطأنا يارب.

مافيه مقارنه بين حياتنا وحياة الاجانب ، الحياة الاجتماعيه لها تاثير كبير في حياتنا ،يعني عندنا زيارات ومواجيب تستلزم ان الواحد يصرف من امواله كثير ،الاجانب ماعندهم حياة اجتماعيه مافيه تواصل ،كل واحد وعايلته واكله على قده ،انا اايد ناخذ الايجابيات من حياة الاجانب ،لكن مانقدر ،وبعدين الصدقه لها دور كبير في بركة الاموال ،تخليك اموالك تسحبين منها وماتخلص مهما كان راتبك قليل ، جربي تتصدقين وشوفي البركة