لون eyeshadow أخضر على اسود...

مرحبا بنات

أنا من زمان أدور على eyeshadow يكون لونه مثل الذبانه الأسود والأخضر الميتاليك metalic ... وايد عاجبني هذا اللون ولا قادرة أحصله يعني إلي ألقاه يكون مو بالدرجة إلي أبيها أنتو مسكوا ذبانة (( ويييع )) و شوفوا لونها عجييب.

خصوصاً لا حطيتي فاونديشن غامج ترا على فكرة اعتقد ما ينفع هذا اللون إلا حق الحنطاويات أو إلي عامليين برونزاج .

إلي تعرف من أي ماركة أقدر أحصل هذا اللون يا ريت تساعدني

حبيبة :24:

20 تعليق 2,382 مشاهدة

شاركي في النقاش

سجلي الدخول لإضافة تعليق.

التعليقات

16
  1. @am_yasmyna

    عندي لك فكرة بدل ماتدورين خذي مجموعه ذبان واطحنيهم ويستوي عندك اي شدو بودرة اسهل لك واوفر:27:
  2. صاحبة الموضوع
    مشكورة ملاك النور:26: ،،، و أم علاوي لا تعليق الله يسامحك :(

    يالا يا بنات همتكم معاي أبي تساعدوني أحصله بأسرع وقت مافيني صبر :time:
  3. @nmrh

    هلا حبيبة امها ... هههههههههه

    هذا والله اللون النادر ..
    شوفي انا اظني شفت هاللونين عند ديور .. واحد يجي لون لحاله وهو رصاصي على اخضر..
    وفيه الثاني وهو من مجموعة الشتا اظن وهو عباره عن علبه فيها لونين واحد اخضر على ... ( الوان الذبانه )
    اللي تفضلتي فيها ,, اما الاخر فهو بنفسجي .. هذا انصحك فيه ممتازين اللونين ..

    وممكن تخلطين ويطلعلك هاللون ترى .. بس مشكلة هاللون انه لازم ينحط بدقه لانه يعطي مظهر مهو مرتب
    للعين ..
    الله ينولك الدرجه اللي تبينها هههههههه.. يحليلك
  4. صاحبة الموضوع
    والله أنك كفو يا وخيتي

    باكر راح أطير على ديور و أدور الألوان إلي قلتي عنها بس ياليت كانت عندك الأرقام ((( .......... و يتشرط ))))

    لا تحاتين خل أحصل اللون إلي في بالي و أنا راح أحطه بدقة إن شاء الله آخذ دورة علشانه ... لأني ناويه يكون هذا لوني الموحد حق فصل الشتاء القادم خريف - شتاء 2003 / 2004 ...

    تعالي يتني فكرة شرايج أطرش إيميل حق خبير لبناني بسام فتوح أو فادي قطايا و أسألهم عنه لعل و عسى

    مو جني استخفيت :23:

    على العموم مشكورة و هذولي مني لج

    :26: :26: :26: :26:
  5. @shokolath

    الله يهديكِ اختِ حبيبة امهاااااا على هذا الوصف خخخخخخخخخخخخخ...


    بس طلبك تحصلينه عند لانكستار والألوان روووووعة جدااااااا يعني يجي اللون اسود على أخضر بلمعة وفي كحلي على اسود بلمعة بس جدا فظيع اللون وفي لون ثالث بس نسيت اي لون لإني بصراحة جذبني الأخضر والكحلي اكثر من اللون الثالث وهذولا بسررعة يخلصووووووون بس إن شاءالله تحصلي مرادك..

تابعي تجارب أخرى من هذا القسم.