ماشاء الله موضوع مررره جميل
اممممم انا اصحى من الفجر قبل عيالي صلاة وقراءة قران سبحان الله هالوقت مررره فيه بركه اصحي عيالي نفطر البسهم اردد معهم سور القران اللي حافظينها او نردد سورة جديده
الحمدالله انا احفظهم قران من قبل يدخلوا المدرسه عشان مايتعبوني بعدين
يروحون للمدرسه اصحي ولدي الصغير وافطره واغير عليه و اروح ازيت شعري او احنيه واحط خلطات على جسمي كلها طبيعيه وابدأ بشغل البيت من تنظيف وترتيب وغسيل ملابس بعدها اراجع حفظ القران واحفظ درس جديد في الانجليزي لان عندي كتب واتعلم في البيت اقرأ تفسير او كتب في التربيه اللي اقدر عليه بعدها اجهز الغداء احب انوع مره كبسات مره مكرونه مره شوربة صواني اللي يحبونه اطفالي وزوجي واروح اخذ شاور واتفرك واتنظف وابخر البيت و اشغل فواحه بغرفتي
الا الاطفال جو من المدرسه يتغدون وننام لنا ساعتين الظهر اصحى اسوي قهوه حلى خلية نحل او سينابون كيك اللي موجود واذاكر للاولاد قبل المغرب بساعه نطلع للسطح انا شقه دور ثاني والسطح لي نلعب كوره او نلعب بالدراجات ننزل مع الاذان على طول ياخذون شاور اسوي عشاء شي بسيط ساندويشات او الاطفال مشتهين شي معين اسوي لهم اذا فيه تكملة مذاكره اخلصها معهم ويناموون وانا اجلس ساعه كذا لوحدي على رواق اشرب عصير او اكل سلطه خضار او فواكه واشرب بعدها كوب اعشاب يانسون او زنجبيل او شاي اخضر وقرفه لاني مااتعشى معهم واروح للنوم طبعاً دوام زوجي شفتات انا مااتقيد معه نهائي احب نوم الليل مره تغيرت صحتي وبشرتي لما انتظمت
اذا زوجي موجود الصباح اكيد ماازيت شعري ولا احط خلطات ننتظر الاطفال يروحون للمدرسه نفطر برى او نتقهوى برى مو دائماً بس لو مره او مرتين بالاسبوع تغيير روتين
طبعاً في يوم بالاسبوع تنظيف عمييق اغسل الديابيج غرفتي وغرفة عيالي واغسل البيت كله واغسل الكنب للعلم ماعندي خدامه بس الحمدالله مره مرتاحه ووقتي فيه بركه
وووبس .. وجزاك الله خير على الموضوع ،،
جدولكم لتنظيم حياتكم واسرتكم من اجل حياه سعيده
متابعة النقاش، صفحة 5