🍼التجمع(5) لأمهات يناير وفبراير2017 🍼

السلام عليكم .كيفكم كروشات
الله لايوريكم مرت علي يومين مغص واسهال الله يكرمكم مااكل شي الا عالحمام احس اسفل ظهري الم من كثرت الروحه عالحمام
والصباح كله فالمستشفى وسويت تحاليل والحمدلله مافي بكتريا او فيروس قالت اللي داخلك برد تدفي زين 😢 واعطتني شراب للاسهال وقالت لمدة 3 ايام اكلك زبادي وبطاطس مسلوق وشابوره وشاي
وسلامتكم يالتعبانين ماتشوفو شر يارب

سبحان الله الله ييسر لنا ويعيننا يارب 😣😣😣😣

تدرين وش مشكلة اللي تخاف من الولاده وانا اتكلم عن نفسي بعد غير مستثناه ابد من هول اللي نشوفه ..😓

اللي تقاوم الوجع وتصارخ وتتفجع وتبكي بقوة ووالله ماتنلام .

لكن جربي في قمة الالم انك تهدي شوي وتستسلمي للوجع ،، استرخي وخلي الالم هو اللي يمشي موضوعك ،، ما ادري اذا عرفت اشرحها صح .😅

لكن كلما كانت الوحده مسترخيه وتخلي جسمها ونفسها يسوي اللي يسويه من انقباضات وطلق ودفع كلما كانت الولاده اسرع واسهل .

صح يوجع ومتعب ومرهق وعقلها يطير ،، لكن تحاول تهدي نفسها وتذكر ربها وتخلي الطلقه تجي ماتشد نفسها راح تتالم اكثر .. التنفس الصح بوقت الطلق احسن بكثير من الكمامه ،، حتى بوقت الكشف تطلب الدكتورة من الوحده تاخذ نفس وتسترخي .

الله يعين والله خايفين ومتشوقين لذيك اللحظات خصوصا اللي جربو كذا مره وعارفه ان مو كل الولادات سوا .😥

فيه وحده ضحكت من كلمتها تقول احسن واسوا شي في الحمل والولاده ان الوحده تنسى بعد مايطلع الطفل منها كل شي مرت فيه من وحم وثقل وتعب والالام،، وبعد فترة تبي تكرر نفس العمليه من جد وجديد .🤣

الله يعيننا يارب 😑😑 اما من السابع للتاسع كثير الله يعين ليت التاسع يخف ويريحنا شوي قبل الولادة ، ، الله يسعدك بجرب الحمام الدافي يازينه بس ، ، هههههههههههههههه الله يسعدك انا جربت شوي من الطلق يوم جيت أجهض الجنين على اني كنت نايمه متأخر وسهرانه صحيت فجأه وحسيت بالالم حاولت ارجع انام استريح مره ماقدرت جاني قلق مره كذا وكان كل ماله يتشد ويتقارب بس آكيد الطلق الكامل أشد منه لكن الله ييسر لنا يارب ويعين

هههههههههههههههه ايوه الله لمن أوقات يجيني خوف من الولاده أتوكل على الله وأحاول انسى الموضوع وأقول الطلق بيجي بيجي لا محاله الله يجعله بردا وسلاما علينا يارب وأكييييد حلوه بعد فرج 9 شهور وانتي بصحه وطفلك بصحته نعمه اللهم لك الحمد الله يتمم علينا ويرزق كل من يتمنى يارب العالمين