تباشير 1 لمواليد السعاده نوفمبر ..وديسمبر 2016

خذي الفيتامين الاسبوعي .. أنا عندي نقص حاد لكني أخذ حبة اسبوعيا .. علشان أعوض

ربي يسعدك ام الغزلان تقريبا 99%من عاداتكم عندنا نفس الشي بس ما نرش رز ولا ملح ولا فلوس
والباقي نفسه
محد يدري عنك انك تولدين تتعسر الولاده
النونو نكحل البنت ونرسم حواجبها الولد لا
الاكل نفسه
الطلعه قليله اقلها تتعدين 15 او 20 يوم علشان الخياط ما يتعبك
الزوج يملى بيت اللي بتولد زوجته يقضي من الا مع ان الاب يرفض بس عيب الزوج يحط زوجته عند اهلها وخلاص
ماتاكل النفاس قدام الناس اقصد وجبه اساسيه
الرضاعه تغطى محد يشوف رضعة البيبي
الاذان للبيبي في اذنه اول ما ينولد
التحنيك
لازم الشال او التربان اهم شي غطي اذونك
لازم المهاد بالاربعين شي اساسي
ليلة الاربعين حمام مغربي واهتمام وحركات قبل تروح الوحده لزوجها
وكله لبس جديد هي والبيبي
هذا اللي اذكره الحين

الغلا وش لمبته الحمدلله الله ستر انا احطه كذا في الغرفه واولع لمبه السقف عايدي بس يكون هو تحتها مباشره مو ابجوره اما الصفار مااظن طفل ينولد بدون صفار بس انا دايم اطلعهم على مسؤليتي

ام الغزلان وقمر احنا عندنا ان الافضل مايقولون انك بتولدين يقولون الظلق يبرد
اما الطلعه بكيف الواحده بس اكيد الافضل ماتطلع الكحل اللي تبغى تكحل والا عايدي بس انا اكحل لان عيالي يطلعون مصفرين
والتحنيك مهم انا حنكت ولدي بتمر وهو في العنايه المركزه دخلت التمره ماانتبهو 😀يوم جبته في الثامن
اما ياقمر النفاس ماتاكل قدام الناس ليش غريبه احنا يجيبون اكل النفاس ولازم يغرفون لك منه وكلي وسولفي وسوي اللي تبغين عايدي
والطرحه اللي تبغى تلبس والا عايدي وبنات هذا الجيل مايلبسون بس انا احب اللبس مره واحده ارتاح من تمشيط شعري😂

أنا عيالي بدون صفار .. وأخواني كلهم بدون صفار ما عدا واحد بس امي جاها الجدري المائي وهي حامل به هو الوحيد اللي نزل فيه صفار ,, وأصلا ما انقلب انولد واقف ..
وما تنفع لمبات البيت لأن مافيها الدرجة اللي تحول الكالسيوم لفيتامين دال .. ولو كان فيها ما كان حد منا جاه نقص فيتامين دال ..

احنا بعد النفساء يجيبون لها أكل مخصوص علشان تاخذ حصة أكثر تعرفون قبل كان فقر والكل يتزاحم على اللقمة بس الحين صار الموضوع علشان تقعد على راحتها بعد الخياطة ..

والله مره رطبت بطني بزيت زيتون وجاني طلق وخفت منه وطبيعي جسم البيبي يقشر مو معقوله كل قشره بشوفها برطبها واغسلها كريمات جونسون ابد مو زينه تجيب الحساسيه والنونو يكفي عليه اكشن الولاده انا افكر اكثر شي باحساس الطفل وخوفه من الجو الجديد عليه كل شوي مويا احس اسبب له رعب هههههه مدري ليش احساسي كذا والحين الجو بدايه شتا يجيه ربو ولاصخونه البيبي لفيه ولاعاد تفكينه كل شوي بعدين ينخلج ويتملع ويبدا موال الصياح الي مايخلص الشمس اكيد زينه لصفار
انا كذا اسلوبي مع ولدي والحمد لله طلع هاادي ولا صياح ولاازعاج ترا حنا نجيبلهم النفسيه والخوف