تباشير 1 لمواليد السعاده نوفمبر ..وديسمبر 2016

الحمدلله منورة الشاشه جت بوقتها صح
الله يعطيها العافيه هي وامها

ضحكتيني أم شجاع .. زيت الزيتون ماله علاقة بالطلق .. حتى لو شربتيه .. بس تلاقين الطلق بدا من نفسه بعد الترطيب ,,
أنا ما أستعمل لعيالي منتجات جونسون أستعمل موستيلا أو ماركات أجنبية من المواقع أشتريهم ..
تعرفين أمي شو قالت لي ببنتي البكر لما بكت أول مرة .. قالت يا بنتي ترا هالطفلة ما تعرف حد في هالعالم غيرج إنتي بس الي تعرفها من صوتها واحساسها وتخاف من كل الدنيا وكل شيء يديد عليها تخاف من ثيابها وتخاف من اللمبة وتخاف من الصوت .. خليها في حضنج وحني عليها لحد ما تتعود شوي ..

وفعلا انا اتبع كلام أمي مع بناتي للحين برغم كبروا بس أحس انهم مرتبطين بالدنيا مني أنا ولهالسبب صاروا ما يهونون علي أتركهم لحد في داخلي قناعة بأنهم يخافون بدوني وما أقسى عليها علشان أنا وأبوهم طبعا الحين مصدر الامان لهم وما أريدهم يخافون من الامان ..

عاداتكم مقاربه نوعا ما لعاداتنا مع اختلاف بسيط زي الملح والرز
والحين نادرا يصلحون هالأشياء صار المجتمع يتغير والبنات مو زي امهاتنا قبل ماشاء الله حريصين
احنا امي ماتجبرنا على بعض الأشياء بس اهم شي عندها الفطور مع اذان الفجر وقهوة الضحى يعني الاكل بشكل عام وماتكثر علينا أعشاب بس خلطه وحده نستخدمها مع الحليب اللي هي ماش وحلبه وفلفل اسود ورشاد
وطبعا تعطينا من عطورات البيت تخلطها بعلبه وحده عشان نأخذها معنا للمستشفى عشان الشمم او الالتهاب بعد الولاده
وهذي الولاده ان شاء الله راح أنفس في بيتي وراح يكون النفاس على مزاجي وبالأشياء اللي اقتنعت فيها يعني أعشاب ماراح اكثر واربط البطن اهم شي والاكل ماراح اكثر رز وخبز الأسابيع الاولى وكمان عندنا نربط البيبي بعد مانلفه برباط من سنتر بوينت يجي مع الكوفله عشان مايتفزز وهو نايم وينام كويس والخلطات طلبت أغراضي من صيدليه اي هيرب وان شاء الله بس توصل راح اصورها طبعا أشياء انا اعتمدتها
الخروج من البيت كان ممنوع زمان لكن انا في ولاداتي السابقة كنت اخرج بمجرد حسيت نفسي أوكي عشان اشتري لَبْس واغراض بعد النفاس واشوف الحين الحريم صاروا يخرجوا
طبعا التوربان او الطرحه والبيجامه والشراب ضروري للنفاس
وكان ممنوع عندنا نتزين بعد الولاده على قولتك بس الحين لما اروح لأي وحده نفاس ألاقي الكحل والروج وكريم اساس😑 انا مااحب هالحركة احس البشره يبغى لها ترتاح وراح اكتفي بمرطب شفايف

والله كلام أمي تقول حطي منه شوي على أكلك
وبعد تمرين أمي الكيجل .,. كنت محتاسة بالكيجل لحد ما قالتها لي عفوية ,, قالت تخيلي ان تحت عندك عصا تحبين ترفعينها ,, تخيلي ان تحت فيه عصا لازم تضغطين عليها وترفعينها لفوق .. وقالت بهالطريقة تقوى العضلة وتتحمل الولادة

أنا جربت الطريقة وأسويها وأحس انها فرقت معاي عن الكيجل العمياني اللي كنت اسويه ..

لا ما يتعود لأن بعد ما عنده خلايا حسية قوية .. بس أنا ما أحب السكر في الحياة بشكل عام ,, مع ذلك أستعمله .,, ولا تخافين الحليب بالنسبة لي ألذ شيء في الوجود