سؤال لجميع البنات والنساء

السلام عليكم..
حبيت نتشارك بمهمومنه الشخصيه سويه هم مرات يجي ابالجن اليأس ويصير عدجن كلشي عادي عسه الدنيا تحترك هم مرات تعيشن بلاامل وتوصلن مرحلة ان الجاي نفس الراح اني عشت بهل مجتمع وبهالدنيا محد راضي ع شي الطفله مامرتاحه الام مامرتاحه وتافف والشاب يتعارك ويه روحه البنيه قلقه ومتوتره الكبير بالعمر مامقتنع بالدنيا طيب ليش مرات اصفن ع ناس اكول هنيالهم كلشي ماناقصهم و24ساعه كالبين وجهم(جهرتهم) انا جانت امنيتي امي تبقه عايشه والله صح جانت عصبيه وتتعارك ويايه لكن فقدانها هو بمثابه فقدان الامل والحياه يشهد ربي اتعجب ع بنات صديقاتي الله رازقهن اهل وام ادك عليهن وتسال عليهن وهنه يضوجن من سؤال امهاتهن واني من دخلت كليه لحدما ماتخرجت بس اخويه جان يدك عليه وينعدن ع اصابع وموعلمودي علمود الطبخ او الخطار..ياجماعه اني مااحسد البشر لاوالله بس صدكوني اليتمسك بشخص يحبه حته لو عم خال صديق رح يحب الحياه وابد لاتضوجون من احد يسال عليكم بالعكس افرحو لان اكو ناس موتهه وحياتهه وحده مومهم تبقه عايشه او ميته عادي الحب رزق بكافه انواعه وخصوصا حب الام يوميه اشتاقلهه وكلما اكبر احن الهه واحس مشاكلي وهمومي انخلقتلي من راحت من الدنيا صارلهه7سنين متوفيه ويوميه احس مكانهه خالي حته الموت مرات يهون عليه لان من اموت اكيد رح تتلكاني ابد ماجنت اتوقع تروح رغم مرضهه جانت الوحيده التحبني وتسال عليه ديربالكم ع الناس التحبكم والله همه اليصنعولكم الفرحه والام سند ورزق ودعوه مستجابه ..حته المتزوجه حته اذا جان رجلج موهلكد وياج حبي واتحملي وحته اذا امكم ادقق بتفاصيل حياتكم وتسالكم وتنبش بغراضكم لاتضوجون تره غياب الام يخنك تدرون هسه الساعه 2بليل وكلما احط راسي ع مخده افتقدهه واتذكرهه لان محد حبني بكدهه وخاف عليه الهه وحشه اني اتمنه اتزوج واكون اسره واتمنه اطفالي اكثرهم بنات حته اعوض فقدان امي بااطفالي هذا حلمي بسيط احاول اسد الفراغ العافته امي اليه واعوضه بجهالي اريدهم سند والله بنات حلو الانسان اليعش لخاطر ناس تحبه..اهم شي ينطو امل يستمر بالحياه بدون يأس..طولت عليكم اعتذر منكم..سلامي للجميع