شوفي اختي انا بقولك على تجربتي انا كان عندي نفس مشكلتك تكيسات وحملت من اووول شهر بس مااكمل شهر ونص الا واجهضت الحمدلله على كل حال قالتلي الدكتورة خلي الرحم يرتاح ثلاث شهور حاولي ماتحملي لان الرحم لسه ضعيف ولو حملت بااجهض اكيد بسبب التكيسات
اعطتني جلوكوفاج استمريت عليه فترة مش بسيطة قالتلي اقل شي استمري عليه 6 شهور
خلصت الست شهور وبرضو الوضع ماتغير تحطمت قالتلي كملي سنه عالجلوكوفاج واستمريت سنة بعد كذا بدت تخف التكيسات بس ماصار حمل قالت اعطيك منشط وابر تفجيرية واعطتني ثلاث شهور استخدمتهم ورايحه جاية عالعيادات منشطات وابر تفجيرية ولا فاد بعد الثلاث شهور قالتلي بنريح جسمك كم شهر ونرجع للمنشطات انا خلااص قرفت وتحطمت من علاجاتهم قمت ادعي كثير واردد حسبنا الله سيؤتينا الله من فضله انا الى الله راغبون .. وسبحان الله ربي سخر لي وحده الله يجزاها الف خير قابلتها عند الدكتورة اللي اراجع عندها طبعا لا اعرفها ولا تعرفني كنا جالسين بصالة الانتظار سالتني ايش مشكلتي وعلمتها قالتلي ليش ماتتركي المستشفيات وتحولي عالحجامة مع القسط الهندي تقول هيا عملت الحجامة واستخدمت القسط ومن اول شهر حملت .. وفعلا والله الذي لا اله الا هو على طول دخلت فكرة الحجامة ببالي وعملتها واستمرين عالقسط ملعقة صغيرة مع العسل وابلعها من ثاني جلسه حجامة حملت يارب لك الحمد وجبت احلى بيبي .. طريقة القسط كم يوم تستخدميه ناسية بالضبط بس اخذت الطريقة من النت على فكرة كنت استخدم جلوكوفاج مع القسط والحجامة بس ماكنت مستمره عليه يعني ملخبطه فيه مررا .. بلا عيادات بلا منشطات وابر خليك عالحجامة والقسط والدعاء وربي يفرجها ويوفقك يارب
حياتي بتتحول لجحيم وانا لسه عروس 😢
متابعة النقاش، صفحة 4