بجد ليش تجننتوا؟

ايش فيكم تجننتوا كل يوم موضوع وحده تضرب عيالها
مادري بصراحه لهدرجه الجهل ؟ طيب ماتخفو ربكم هاذي امانه عندكم الله قادر يحرمك منها
الضرب فيه اثر نفسي عذاب للطفل ويعند اكثر ولاتجي وحده تقولي الضرب فاد الجيل القديم فادهم بأيش؟
ماني شايفه نجاحات ولا انجازات
كم عضوه كتبت كيف الضرب اثر فيها وجاتها نفسيات
وكم وحده تكره امها وتتمنى تتزوج وترتاح منهم بسبه العذاب الي شافته
وفي مثال حي زوجي كان ينضرب سار يدور اي فرصه علشان يطبق الشي ع عياله لو انا مت مثلا اتوقع بيضربهم ليل نهار وسار العنف عنده شي طبيعي جدا وابوه لما مات ماتأثر بس واضح يمثل الحزن تعبت وانا انصحه اخر شي سرت اهدده بفضحه !
انتي تبي عيالك بكرا كذا؟ لو طفلك فوق العشر وتمرد ممكن تضربيه بس 3 ولا 5 4 سنوات حرررام
انا حقيقي قلبي يوجعني لما اقراء كدا ياخي لاتكتبوا ايش تستفيدو بس احنا نتعب؟وانتي بالنهايه ماراح تسمعي كلامنا اصلا
ولاحظت اغلب الي تكتب تضرب تضرب البنات مادري ايش السر؟ ماقريت وحده كتبت اضرب ولدي عنصريه وتحيز حتى في الضرب
حتى بموضوع بنت جدتي هي راقيه ولاقالت اضربهم بس الردود تحرضها على العنف علشان مااشتغلوا معها فقط!
بس في موضوع ولد سب امه وردود عادي اسكتي
عاقبيه بالتطنيش يااااي بس💅🏻
اجل لو بنت جدتي قالت بناتي سبوني ايش كان رديتو؟
-
خافوا ربكم ياامهات غيركم يتمنى سنين هالطفله وحسبي الله ونعم الوكيل في كل ام تمارس العنف على طفلها الله يسلط عليها من يمارس العنف عليها ولايخاف الله فيها

24 تعليق 3,434 مشاهدة

شاركي في النقاش

سجلي الدخول لإضافة تعليق.

التعليقات

21
  1. @molmh_bthkryaty

    فعلا اشيا تعور القلب حتى أشوفها على واقعي من اقرب الناس خواتي كنت كم مره أشوفهم يضربون عيالهم كفوف تعبت انصح فيهم والله يقولون انتي م حربتي تشوفين ادا صار عندك أطفال وش تسوين
  2. @aatr_omtrquot

    كثير من الحريم ينقصهم الوعي.. وماعندها استعداد لطولة البال واتباع إجراءات مع الطفل بحيث نتائجها تطول لين تظهر فتلجأ لأقصر طريق وهو الضرب..


    صحيح الطفل ممكن يستجيب لحظتها.. لكن إذا تعود على الضرب خلاص يستحيل تسيطرين عليه .. ويصير من جد لا يسمع كلام ولا يستجيب..




    حرام صراحه طفل لاحول له ولاقوه ينضرب ويمارس عليه هالسلوك من شخص عاقل مكلف..
  3. التربيه بالضرب الغير مبرح ذكره الرسول لو هو جهل وغيره ماانذكر وبعدين العنف يختلف عن ضرب التربيه عمر ضرب الام مايوجع قد ماهو يؤدب اما الدلع بالذات للاولاد هو اللي خلا هالجيل حتى طريق المسجد مايعرفونه يعني اولا واخيرا عمر الضرب ماكان ينقص من امومة الام الا بحال كانت تضرب بشكل بشع
  4. @sharloot

    صح همهم التكاثر وبس كأنهم داخلين سباق لكن كيف تربي هذي تتركها عالبركة
    وكل شوية تجي تكتب موضوع ما اتحمل اطفالي ازعجوني اذوني بهذولني كرهوني عيشتي وتقوم تطلع كل عقدها النفسية عليهم وهم مساكين لا حول ولا قوة
  5. @karayl0

    صاحبة الموضوع
    مؤلمه بذكرياتي
    فعلا اشيا تعور القلب حتى أشوفها على واقعي من اقرب الناس خواتي كنت كم مره أشوفهم يضربون عيالهم كفوف تعبت انصح فيهم والله يقولون انتي م حربتي تشوفين ادا صار عندك أطفال وش تسوين
    الله يهديها الله يرزقك وتربيهم احسن تربيه ويشوفوا بدون ضرب ولاعنف العنف مو علاج ابد

تابعي تجارب أخرى من هذا القسم.