🍼التجمع(5) لأمهات يناير وفبراير2017 🍼

ايوا اقدر بطياره بس قريت انو البيبي مايصلح يركبها اول ماينولد ومادري معلومه صحيحه او لا..امين يارب اجمعين

تسلمي نجمه ذات بريق
الله يسهل لنا بديت اتملل من طول الشهور ذي والانتظار متى ندخل التاسع لدرجه مو قادرة اشتري شي بحجه باااااقي وقت
وبكرا عندي موعد ومنه راح أتأكد من جنس الجنين ويمكن ابداء واتشجع وأشتري

الله يسعدك ياقلبي ماقصرتي ايوه أن شاء الله بولد في الحرس لأني تابعه لهم بفضل الله والحمدلله مره دخلت اليمامة يمه رعب والله وماش مو مريح نفسيا قلت الحمدلله اني في الحرس على زحمته الزفته بس شي احسن من شي يارب لك الحمد... غريب انا افكر الطبيعي يوم بس 24 ساعه لأن اشوف عندنا الطبيعي يوم وتطلع بنت عمي كانت طبيعي ولدت العصر اليوم الثاني الساعه 11 الظهر طلعوها خلاص ماكملت حتى 24 ساعه بس كانت أمورها تمام الحمدلله الله ييسر لنا ... المشكله ياضوء كيف أخذ حليب وش عرفني وش النوع الكويس وغير كذا ودي طبيعي بس صدق يعني الله لايقدر لاجاء ذاك الوقت وانتي تعبانه ولا ماطلع على طول الحليب وش تسوي الوحده وغير كذا زوجي دايم يتكلم عن الرضاعه أن مابيعطيه صناعي يقول رضعيه عشان مناعته وعشانك يعني مابيهرب لي 😂 مافيه إلا هو لو أني عند أهلي كان يمكن قدرت أتصرف لكن الله ييسرها يارب ... والله كل مايقرب الوقت اتضايق وأقول لو أني عند أمي لكن يوم أتذكر الوضع والمستشفى الزفت والوضع كيف اقول لا خلاص توكلت على الله وأن شاء الله تتيسر لي والله يعينا يارب ... اما السكر 😂 انا جاتني حاله ذي الأيام لمن أكل أكل دسم أو حامض مممره ابغى حلى ابغى احلي وماارتاح إلا إذا ذقت طعم حلو بفمي احلي بتمر ولا اروح اسوي لي حليب شاهي يعجبني والله يعين

ايوه الله الله يعين من جد لو بس أسافر أسبوعين اغير نفسيه وانسى شوي الحمل لكن مافيه الله يعين واللي عندها اطفال ومدارس الله يعينها هم وشغله ومعهم احس مافيه وقت لكن ان شاء الله تتأكدين بكره وتقضين يمكن لابدينا نشتري تتغير النفسيه شوي وننسى

ياقلبي الله يرحمها ويغفر لها يارب العالمين ☹☹☹☹☹ جد الأمهات نعمة ومايقصرون والله لكن الله يرحم من مات ويحفظ من بقى الله يعين ... إن شاء الله ربي بيسهل عليك يعني بتولدين لحالك ماحد بيجيك أو أحد حولك ؟ ؟ ..... وأنا اللي سألت عن جولي مشكوره شفت عندهم شنط بس مدري ليش مااقنعت فيها مره خفت أخذها وتجي خياطتها مش ولا بد عشان كذا أفضل بشتري من السوق