مشكلتي :: زوجي مانعني من الكشتة 😢

بنات حبيباتي بقولكم مشكلتي اللي بعض الناس تعتبرها بسيطة
انا انسانه احب واعشق وامووووت بكشتات البر مع الاهل واتوقع اغلبكم عارفين حلاوة الكشته مع الاهل وبالذات اذا زان الجوو له طعم ثاااااني
المهم زوجي عكسي يكره شي اسمه بر
وعشانه يكره البر مانعني منه 😭
مايدري اني اموت الف موته اذا شفت الاهل طالعين بر وانا ممنوعه .. مع ان قلبه طيب مره طيب ومايحب يخلي شي بنفسي الا يسويه.. الا البرررررر تطلعله قرون اذا قلتله اهلي طالعين وودي اطلع معاهم ماني فاهمه ليه طيب انت ماتبي البر خلاص بطلع انا مع اهلي انت ارتاح فبيتك لا مايبغاني اروح مع احد يقول اجلس على اعصابي الين ترجعين البيت احب اوديك انا عشان ارتاح ولانه مايحب البر ماهو موديني !!! وطبعا زي منتو عارفين البر يكون بعيد شوي يعني اذا وداني لازم يجلس الين ماننتهي ونرجع سوا اما يوديني وهو يرجع البيت وبعدين يرجعلي ياخذني كذا مشوار عليه على كلامه .. المهم اخر طلعه طلعوها اهلي وطبعا كان رافض اطلع زعلت تنكدت بكيت زي الاطفااال نفسيتي تبغى برررررر بس هو مو فاهم الشي هذا وقلبت البيت عليه ابغاه يوافق يعني يوافق وهو مصرر لا يعني لا وكبرت المشكلة واعطاني من الكلام والهواش ويقولي فيه الف طريقة تخليني اوافق مو الطريقة اللي سويتيها وطلبني انسى الكشتات واشيلها من راسي الى الابد 😭😭😭😭 ماني قادرة اشيل طلعات البر من راسي كل ماتذكرت اني مننوعه منها اقعد ابكي كيف يمنعني من شي احبببببه ..
المهم هو قلي فيه الف طريقة تخليني اوافق ؟؟؟ افكر فيها ماني عارفه ايش الطرق اللي ادخله معاها عشان يوافق يمكن انتم عندكم خبره بالرجال اكثر مني وتعرفون الطريقة اللي يقصدها قولولي عليها تكفوون ..
على فكرة اي مكان داخل المدينة اللي انا فيها يوديني له .. اهلي اسواق مطاعم افراح ماايقولي لا .. الا البررررر عقدته الله يفك هالعقدة ونتحرر منها .

47 تعليق 10,095 مشاهدة

شاركي في النقاش

سجلي الدخول لإضافة تعليق.

التعليقات

44
  1. @aazof_26

    كرري هذا الدعاء : اللهم ياولي نعمتي وملاذي في كربتي اجعل نظرة زوجي علي بردا وسلاما كما جعلت النار على إبراهيم بردا وسلاما
    وقولي : يارب سخر لي زوجي
    ولاتنسين تصلين على النبي قبل الأدعية وتحمدين الله وتستغفرين وبعد الأدعية
  2. @hms_almtr_1

    والله ماتنلامين انا مثلك اعشق طلعات البر والكشتات
    زوجك ماله حق يمنعك هو مايبغى بكيفه
    اذا طلعوا اهلكك خلي امك او ابوكك يكلمونه يمكن يستحي ويوافق او اطلعي معاهم وارجعي لبيتهم وباتي عندهم لليومم الثاني كذا مماله عذر
  3. @frh_anth_2

    انت كم لك متزوجه. لان اغلب الرجال بداية اول خمس سنوات تكون غيره تحكم مافي مرونه في الأراء. بعدين صدقيني بيخف كثير ان شاءالله.

تابعي تجارب أخرى من هذا القسم.