👶👧التجمع(6) لأمهات يناير وفبراير2017.

اما عاد والله في بالي اني أخذ افرولات كامله اللي تجي مسكره حتى من عند الرجول قلت أفضل من اني احوس واشتري شراريب يجي لبس كامل اريح وأفضل وعاد الحين حيرتيني احسه عادي ماسبب تقوس؟
والله حمستيني للهرم واصلا انا مخططه من قبل أقضي منه الملابس وبروح أشوف أن شاء الله الاسبوع هذا نهايته ،، أما الكراسي شفت في سنتر أشكال تهبل وواضح خشبها حلو لكن صراحه ماشفت أسعارها بس شفت كرسي مع المرتبه حقته وكيوت صغير وينفع تهزين الطفل فيه على خفيف وتقريبا ينفع لين 6 شهور أو كذا بس ماشفت أسعارها أن شاء الله الكرسي أخذه وقت التخفيضات هو آخر شي بخليه ،، طيب اللي خذتيه ملابس بنتك كم مقاسها ؟

اهلييين حبيبتي الف سلامه عليك كويس رحتي المستشفى تتطمني ،،،،،،بالنسبه لجنس البيبي هذا يتغلى من الحين جهزي محااايد وبعد الاربعين خذي اللي نفسك فيه على حسب جنسه الله يتمم لك بخير

ههههههههه لا كيك صدقيني ماله دخل شكل البطن بوزن البيبي أسأل الدكتوره كم وزنه وشوفي ،، انا شكل بطني مو مره كبير عادي وحتى كثير أوقات امشي واروح واجي ماحس اني حامل وزوجي أغلب الأحيان يقولي مدري متى بتستوعبين انك حامل ، ، أوقات بس تمر علي أحس بثقل كذا وضيق تنفس بس الحمدلله مو دايم ، ، المهم ووزنه ماشاء الله كويس عشان كذا ماله دخل وكثير قالوا لي ماله دخل شكل البطن ، ، وصح تذكرت زوجة خالي ماشاء الله كان بطنها كبييير ونازل وجت بنتها في التاسع كامله بس نتفه مره ماكملت حتى 2 كيلو مره صغيره وربي تخوف وهيه توها مولوده مع أن أمها ماشاء الله صحتها كويسه وكانت مهتمه في أكلها والفيتامينات وكل شي بس سبحان الله كذا عيالها يجون صغار مره ..

اسفة. كنت انزل صورة. وعلق الجهاز وأرسل وهي ما حملت. وعجزت ادخل اعلق. ما ادري وش صار


نجمة انا احب المسكرة. بس هذا اقتراح وحدة من أقاربي. عاد انا احرص ما تشد وتضايق الصغير بس.
السرير من وين أخذتوا. ابي محلات بالرياض. الله يعافيكم. ودي يصير أمن. عشان لو اخلي المولود ما يجونه اخوانه

بنات تقصدون الهرم اللي بالرياض لان ناويه اقضي منه ان شاءالله
الْيَوْمَ تحمست شوي ونظفت الثلاجة الجزء اللي تحت وان شاءالله اكمل الفريزر بكره🙂وقفت شغل مع حوسة العشاء
بنات أعطوني أفكار أو طبخه أو مكونات تساعد باختصار الوقت و اقدر افرزنه غير الكشنه والخضار اذكر كنت اتعب بالوقفة في نفاسي الاول 😥
بنات كيف تعرفون ان الرحم مفتوح من غير كشف😫