يا بنات
بصراحة أخوي من فترة و هو يقولنا ابغى اتزوج.. أهلي ساكنين في الشمال و انا متزوجة في الرياض و هو بعد يشتغل في الرياض و مستقر لوحده.. المهم امي مالها في المواضيع هذي ورافعه يدها و انا الاخت الكبيرة ودايم يقولنا ابغى اتزوج.. المشكلة حاولت ادور له ما لقيت احد يناسبه لانه ما يبغى اقارب و احنا غير قبيلين و بشرته بيضاء و مشترط تكون جميلة و بيضاء .. و هذا صعب الموضوع اكثر علي و انا في الرياض محيطي صغير مره.. المشكله ابوي يقوله تزوج من برا السعودية وهو ما عنده مانع بس ما يقدر لانه ممنوع و اقل من 30>> على كلامه ممنوع .. و من فتره و فيه واحد سوري يعرفه يعرض عليه يتزوج من قريباته و يقوله انو مو ممنوع .. و هو دايم يطر الموضوع هذا و انا ماودي انه يتزوج وحده مهي مثل جنسيته .. ما ينقصه شي جامعي و موظف وظيفه زينه .. يعني مو ناقصه شي و انا خايفه انه يقرر و يسويها.. و تصير لنا مشاكل معها أو اكون سبب في قرار يندم عليه بعدين وش اسوي؟
الموضوع مغلق