قلبي فارغ أحتاج شخص يشاركني حياتي

ياالله شكرا من قلب دمعت وأنا اقرأ كلامك الله يسعدك

20 سنه وتفكرين كذا النصيب جاي بحول الله.ومن ترك شيئا لله عوضه بخير منه.عاطفتك مثل أي بنت بعمرك جياشه وتتأثر بما تشاهده. ولكن لازم تكوني قويه في ظل المغريات.وانتبهي من المسلسلات هي الدمار الي يخليك تتوقي لتعيشي شعور الحب.وترى بالحياة الواقعيه المشاعر أبسط من كذا واهدأ ومافيه الحب الي يزينه الشيطان بالحرام.خليك مع الله عيشى بهدوء وسكينه بعيد عما يثيرها والله بيرزقك بأكثر كما تتمني.

والله حسيت فيك لان الكلام من قلبك و دخل قلبي...
اول شي فعلا شيء يحز بالخاطر جربتها انا لما وحدة تدور عروس وتسالني عنهم
وخاصة انها تعرف اني بعمر زواج و كمان قد انسالت من وحدة تقول ما تعرفين وحدة
بنت ناس كويسة تعبنا و احنا ندور لأخوي.. تخيلي شكلي ساعتها...
.
ثاني شيء بالنسبة للسمار صدقيني ماله دخل بالزواج او عدم الزواج بالعكس الحين الناس تسوي تان و
تحط مكياج برونز غير اصلا ان السمار يعطي ملامح حلوة، بس كذا سميه نصيب او ما صدفت.

و بالنسبة لموضوع انك ما قد انخطبتي باقول لك حقيقة و واقع مؤلم ، بالزمن هذا كثير بنات ما ينخطبون و في بنات يمر بهم العمر ولا احد قد سأل ولا مرة حتى بالكلام فحطي هالشي ببالك انه مو عيب فيك لكن البنات صاروا كثير والعيال ما يدورون الزواج لذلك الزمن الجميل اللي الوحدة تنخطب كذا مرة و اللي يسالون عنها وبالاخير الين تتزوج زوجها هذا زمن بدأ بالانقراض.اذا حولك ناس انخطبوا فهذه صدفة اذا سالتي او قريتي حتى بالمنتدى كثير تقول ما انخطب.. حطي ببالك ان اللي يقول مصيرك تتزوجين لا مو صحيح ممكن الان 50% ايه و ممكن لأفالحل انك تقسمين عاطفتك على هالاساس و حاولي كثير تسولفين و تحسنين علاقتك من البنات صديقاتك قرايبك تطلعين و نفس الوقت ترغبين بالزواج هدا من حقك لكن لا تجعليه 100% بل 50%

حبيبتي انا كنت نفس وضعك كل اللي حولي ينخطبون ويتزوجون حتى اللي اصغر مني واللي اكبر . والكل كان مستحقرني ولا يشوفني شي وحتى مثلك سمراء وكنت اشوف بعيون الناس شفقة علي حتى ابوي و امي لاني تاخرت ماتزوجت ولا توظفت وكان عندي مجال انحرف و اتعرف على شباب واهلي مخليني على راحتي لكن كنت اخاف ربي مايرزقني باللي اتمنى ومسكت نفسي مع اني وصلت الثلاثين حتى اخوي الكبير كان يحطمني دايم يقولي ماراح تتوظفين وانتي جالسة على جوالك سهر ونوم . بس بداخلي كان عندي يقين ان ربي اعلم بحالي . مرت الايام والسنين وصبرت وكان عندي امل بالله وكنت اسوي المعروف ولا اطلب شي حتى اني كنت اجمع صدقات وتبرعات و اعطيها ناس محتاجة واطلب منهم الدعاء بس . بعد فترة نزل تعييني وظيفة رسمية الحمدلله وبمكان قريب من اهلي و انبسطت وفرحت و فرحوا اهلي معاي وسجدت سجود شكر وعقبها بشهر بس خطبني واحد كل المواصفات اللي ماكنت احلم فيها لقيتها فيه وربي كان ولا في الحلم اتزوج مثله وفرحت و دعيت ربي يكون من نصيبي والحمدلله تم الزواج وكنت طايره فيه والحمدلله هو يحبني بعد و عوضني عن كل شي فقدته وكل شي انحرمت منه . والحمدلله عايشين مبسوطين وكل احلامي تحققت والحين حامل الله يتمم لي على خير .
اللي بوصله لك ان الله يغير من حال الى حال
خلي املك بالله كبير و اهم شي دعاء الوالدين لكي