رحمتك يارب ضاقت عليه

يارب رحمتك بنات بالله عليكم وش رأيكم بحياتي بايختصار زوجي كان يحبني والنَّاس كلها تدري قبل زواجنا من لما كان بالابتدائي لدرجة انخطبت بالمتوسط والثانوي رسميه وكنت ارفض ومن ضمنهم ولد خالي المهم حسيت سعادتي مع زوجي والنَّاس كلها قالو بيعشيك بالسعادة لانه طيب مع الناس ولأنه فيني جمال شوي عنه المهم تزوجنا وكنا محط أنظار القرايب والله يابنات من اول مادخلت الفندق وهوه مطنشني ماكاني عروسه والله طول شهر البصل انام وانا ابكي ويسمعني ويطنش مااذكر قال كلمه حلوه ليه ومشاكل وضربني وسكت ماقلت لاهلي وقعدنا حول ثلاث سنين كذا انا مستغربه وأهلي ليش يعاملني كذا وش السبب وكنت احبه وادق عليه واشتاق له بس والله اني اكره من قلبي الحين دمر كل شي حلو حسبي الله بس المهم بنات قصتي طويله السنه اللي راحت رحت لاهلي وقَعَدت ثلاث شهور وطنشني والفكر يرجعني الا لما شبع الحين صرت متاكده مليون بالمئه انه فينا شى كأني توي استوعب اللي صارلي السنوات اللي راحت أحلامي من لما تزوجته كلها نطيح بحفره انا وزوجي وانه نحاول نهرب وأحلم بالفيران ببيتي والقطط والكلاب والافاعى بنات انا قلبت انسانه ثانيه بعد الزواج وحملي لولدي انسانه عصبيه كئيبه اهلي وتغيرهم معي امي كانت تموت عليه الحين تكرهني تسمعني كلام وتدعي عليه انا واخواتي مشاكل أبوي قاسي معي ودايم يخاصمني قدام اهلي زوجي يصحى من النوم يقول فيني ضيقه بصدري يقول من اول ماتزوجني يشوفني مو انا يحس اني كنت غريبه عنه اول سنين زواجنا انا الحين عصبيه موووت منهارة بموووت اسالكم بالله ادعولي وارشدون

19 تعليق 2,152 مشاهدة

شاركي في النقاش

سجلي الدخول لإضافة تعليق.

التعليقات

15
  1. @om_ashwwag

    حبيبتي الزمي سوره البقرة
    واكثري الاستغفار
    وأرقي نفسك وبيتك
    وبخري بيتك بحبة السودا
    ورشي ماء وملح في الأركان
    ابحثي في النت عن الاشياء اللي تطرد الاذى من البيت
    والزمي أذكار الصباح والمساء
    الحقي حياتك واتحملي وحاولي
    ربي يفرج عليك يار
  2. @aazof_26

    احتمال أمراض روحية
    داومي على سورة البقرة واختمي القرآن في أيام حسب قدرتك
    الله يشفيك حبيبتي ويشرح صدرك ويبعد عنكم الأذى
  3. @althrya_1199

    اقسم لك بالله اني مثلك بالظبط بس اهلي لاماتغيروا علي
    بس اول ماتصحين شغلي سورة البقره في البيت
    واذاخلصتي شغلك وضي وصلي وخذي مصحفك واقري البقره كامله والله والله ان تشوفين العجب لو بس الراحه النفسيه العجيبه وتيسير الامور
    والله يسخر لك زوجك يارب

تابعي تجارب أخرى من هذا القسم.