شوفو زوجة اخويا الاولى ايش سوت>>استوفي الردود

تصرفكم بنسوي زيه وسوينا لما صار مشكلة بين اخوي وزوجته وجاب بناته قلنا رجعهم لامهم او حل مشكلتك معها
مسك الاطفال من اهل الزوج يعني عدم تحمل مسئوليتهم من الرجال وينساهم وهذا غلط
محد ضربه على يده يصبر على الاولى ويخلف 5
شاف منها الغلط نقول اوكي طفل طفلين بس ستوب
يبدا يوضح معدنها واسلوبها
لكن والله امتلا البيت اطفال ويالله ربي يا فلانه وربي ياعلانه
يحافظ على بيته وعياله اولى من انه يلاحق في التعدد ويطير من فراش لفراش
الزواج مسئولية
والاطفال مسئولية
وكلهم مسئول عنهم
ولو امك مسكت عياله والله معد تشوفون وجهه والا بكره بيبدا يهاوش ويزعل وليه فلانه وليه علان ويبدا الوجه الجديد اللي بدون مسئوليه يطلع


اما الزوجة الجديدة هي راهنت على واحد متزوج
واكيد حاطه في بالها العيوب والمشاكل
وخسرت
دائما نحذر من الزواج من معدد وان مو كلهم قد الموضوع
وصدقيني لو فعلا عاجبته او هو عاجبها لقيوا حلول بس واضح ان كلهم حتى لو قال انه عريس جديد ما توافقوا


واللي تقول وش ذنبها اقولها هي راهنت وخسرت
ومعروف اغلب امهات الاطفال بيتركون البيت بعد التعدد مو كل وحده تتحمل
واكيد حطت ببالها هذا الاحتمال
مع ذلك رفضت اي تعاون معه حتى لو مؤقت
واهله مو ملزومين في عياله هو وامهم اللي عليهم المسئولية بس
صراحة تصرف الزوجة الاولى منطقي
وتصرف امك منطقي ومفهوم وهذا اللي يسوونه الناس العاقلين يا يكون قد المسئولية والا لا يعدد
خلاص امك ربت ومسكت بيتها وكبرت ومهي في حال تربية نص درزن عشان طويل العمر يتسدح جنب العروس
والحمدلله انها جت كذا
ما طالت وحملت العروس مسكينة وتورطت بطفل وهي راح ترجع بيت اهلها
ونصيحة اي بنت تفكر تاخذ معدد لازم تتاكد من موافقة زوجته واهله
مهي عايشة معه لحالها طول عمرها منبوذة
واذا هم رافضين فتتوقع المشاكل ماعاد فيه احد يتحمل احد بالذات على زيادة الحالات اللي يرمون الاطفال على اهاليهم وينسون انهم خلفوا من اصل
وخمس اطفال يمسك بيته الله لا يهينه

والله كنت باقوله لها
هل هو اخوك نفسه اللي يكرهك ويعبي راس زوجك
اعتقد تصرفك ناتج من شغلة وحدة
خوف ان زوجك يسوي سوات اخوك
مدام تقولي ان زوجك صاير يردد كلام اخوك
فمو بعيدة يروح يسوي زيه ويتزوج ثانية
فانتي ضربتي عصفورين بحجر
مامسكتي عيال اخوك واتشمتي فيه
وكمان درس لزوجك ان اهو اللي يحرشك عليا مو عارف يدير حياته
ولاتفكر تسوي زيه وتفكر في الزواج الثاني

زين طلق الثانيه مافيها خير تاخذ واحد اهله مو راضيين زواجه منها وكمان ماحظروه ، ثاني شي هذه جايه ماتبي الستر هذه همها تاخذ رجال من مرته وعياله تتحمل اللي حصلها ،ولو فيها رحمه وخير وتحب زوجها كان لمت عياله اللي نحشت امهم ، واقسسم بالله ان الاولى كفوووووو هذه المفروض ماتفرطون فيها تصادقونها 👍

و الله اهل الزوج ما يجون غير بالعين الحمرا عرفتلكم الزوجة الاولى خايفين تدري انكم حضرتم زواجه و تسوييلكم سالفة و ماهمكم اخوكم لو هو مرتاح معها ما دور وحدة ثانية وانتم فرحانين انكم ما وقفتو معاه يمكن زوجته الثانية تطلع بنت ناس اقلها ما تحرمكم من عيال اخوكم دمكم و لحمكم ..... يا قساوة قلوبكم بس

وحده اعرفها اخو زوجها تزوج على زوجته وكانت تتشمت وتقول نفس كلامك ابوها هو زوجها علشان يقللون من نسبه العنوسه واخو زوجي يقول علشان يقلل نسبه العنوسه وتقولها بضحك وتتشمت والله ماكملت سنه الا زوجها تزوج عليها وحده ملكه جماااااال وماعلمها الا قبل زواجه باشهر بعد ماملك صارت زي المجنونه تحرق بنفسها اهم شيء ذاقت طعم كلامها واكلته زي الحلاوه
الدنيا تدور لاتشمتون باحد نصيييحه لوجه الله والله اني شفت كل من شمت باحد نفس اللي شمت فيه رجع فيه ولو بعد سنوات