شاركي في النقاش

سجلي الدخول لإضافة تعليق.

التعليقات

143
  1. @fyroroshyh

    صاحبة الموضوع
    زهّد
    تربيتي احسن من تربيتك انتي وياها وحده تتصرف بدون اذن زوجها وتستفزه وتسحبه بالتقارير؟ انسانه دمرت بيدها وانا مااتشمت فيها بلعكس حطت موضوعها الاول للمشوره وخذت الاراء السلبيه وتركت الايجابيه هذا يدل ع جهلها .. وكلكم يالي ايدتوها ذنب الاطفال…
    حبيبتي اذا اطفالك ينامون بهدوء
    فهذي نعمه تستحق الحمد مو التفاخر
    لان بنتي شافتني انضرب قدامها
    ويومين وهي ترفض تنام الا جنبي
    تقول خايفه
    هذا غير فزتها اخر الليل
    لان المنظر اللي شافته ابدا مو سوي
    ولعلمك زوجي اعتذر بعدها
    لكني رفضت اعتذاره
    لان مو كل الأمور تتعالج بالصمت والاعتذار


    انتي هاجمتيني وتمنيتي لي انطرد بالشارع
    لكن دامك ام ولك أطفال
    بدعو لك ان الله يحفظك عشانهم هم
    ويخليك مستوره عشانهم هم

    اما زوجك اللي تزوج مرتين عليك
    وتركوه الثنتين لك
    فعلاقتك فيه شي يخصك
    وسكوتك عن تصرفاته له مليون تفسير
    انا ماراح اجزم واحملك المسؤولية زي ماعملتي معي
    لكن لا تتشمتي بغيرك
    ولا تتفاخري بنعم ربك
    اللي عطاك قادر يسلبك بلحظه
  2. @lolo_110

    الحب والنور
    يا بنتي خليك من سالفه الحرمه مظلومه الحرمه مسلوب حقوقها عندنا خليك من قصة قويه واخذ حقي وادافع عن كرامتي يا بنتي تراه للحين ما طلقك مو عشان نفسه عشانك انتي يبغاك تعقلين وتهدين ويعوضك عن كل شي وانا والله قريت كذا موضوع سابق لك …
    كلام سليم...بارك الله فيك...كلنا من اول مانزلتي موضوعك الاول استهجنا فعله وسبيناه ولما هدينا لازم نكلمك بالعقل والمنطق...هاد الي صار مع ابوك بالاول انجن لما شاف وضعك كيف مضروبه.الحين راحت السكره وجات الفكره....طيعي والدك مستحيل يردك له بدون ما يتطمن على وضعك....شوفي كيف حالتهم حاله بسبب حزنهم عوضعك...لا تحطي ببالك فكره انهم بايعينك وتبغين تردين حقك بيدك.....الكبار هم افهم مننا....حقولك موقف صار معي حردت عند اهلي بعد ضرب زوجي لي واهلي مثل اهلك زعلوا بس بعد يومين بدؤوا يفكروا بطريقه ثانيه حياديه...وصوه علي ومايضربني وبنفس الوقت فهموني غلطي اني استفزيته...تضايقت وزعلت وقلت بنفسي نفس شعارات المنتدى مهما صار مايحقله يضربك ولازم ينال عقابه وو....ورحت عبيت زوجي بس من داخلي كارهه اهلي استغفر الله....الحين فهمت ان الي سووا لمصلحتي....الرجال يختلفون بينهم البارد الي يطنش اي استفزاز وبينهم العصبي الي مايتحمل....لازم ننتبه نوصلهم لاقصى درجه الغضب بتصرفاتنا....الحمدلله بدات انتبه عتصرفاتي وصار ماشالله كتيير حنون وطيب وخفت كتير المشاكل...طبعا انسوا قصتي الاخيره لان اللوم علي...اتمنى فهمتي مغزى كلامي....
  3. @alhb_oalnor

    lolo 110
    كلام سليم...بارك الله فيك...كلنا من اول مانزلتي موضوعك الاول استهجنا فعله وسبيناه ولما هدينا لازم نكلمك بالعقل والمنطق...هاد الي صار مع ابوك بالاول انجن لما شاف وضعك كيف مضروبه.الحين راحت السكره وجات الفكره....طيعي والدك مستحيل يردك له بد…
    كلامك عين العقل
    اصلا الاهل والله لو بس حسو من صوتك متضايقه حتى لو ما شكيتي
    يشيلون هم بالذات الام والاب
  4. @fyroroshyh

    صاحبة الموضوع
    يا بنات فيه نقطة وضحتها بموضوعي السابق
    وبرجع اعيدها
    ترى زوجي اعتذر بعد نص ساعه من الضرب
    وحاول يلم الموضوع وانا رفضت
    هذا يعني انه أقر بغلطته.. وعارف انه هو الغلطان
    لكن غلطة عن غلطة تفرق
    لو الموضوع بسيط مشيتها زي العادة
    لكن ضرب وتهديد بالقتل وشق ملابس
    واهانة قدام الأطفال
    هذي ماتعدي بالساهل حتى لو غيرت رأيي بالطلاق
    كل شي بالدنيا له حد
    وانا لا حقوقيات ماليات راسي ولا بنات المنتدى حرضوني
    انا تصرفت كانسانه عندي تقدير لنفسي
    وربي ماخلقني حتى انداس واتمرمط
    فما بالكم لو السبب الأساسي كان سخيف
    هذا اللي خلاني اثور


    اذا لي نصيب ارجع له
    بيكون عرف ان الضرب خط احمر بالنسبة لي
    ولو ربي أراد وانفصلنا وراح هو تزوج
    بكون عملت خير ببنت الناس اللي بعدي
    وماراح يكرر غلطته مع الثانية
    وانا بالحالتين مرتاحة
    لاني ما اذيته بشي
    لكن علمته اني ما اقبل اذيته لي
    وان حياة فيها ضرب واهانه واذية لي ولاطفالي ماتناسبني




    واذا فعلا معظم الرجال صاروا يضربون
    الله يهني سعيد بسعيدة
    ولا ودي انتقد الحريم لاني ما ادري أيش ظروفهم
    ولا أقول عبدات رجال ولا شي
    بالنهاية هي قرارات كل وحدة حرة بنفسها
    لكن انا عني ما اقبل نهائي احد يضربني
    الضرب ممنوع شرعا وعرفا وصحيا ونفسيا الخ
    ولا اسمح مستقبلا لزوج بنتي يضربها مهما كان السبب


    انا محترمة كل اخت ردت علي
    وبعضكم قلوبهم الطيبة تدفعكم لتخفيف غضبي
    حبيباتي والله عارفه تبون تهدوني
    بس اقسم بالله كل ما تذكرت منظري تدمع عيوني
    كان اقوى موقف امر فيه بحياتي من تزوجته
    وردة فعلي لحد الان طبيعية
    حتى غضبي تجاهه خف بس ما اقدر انسى واسامح
    ولا اتخيل نفسي انام معه بفراش واحد بعد اليوم
    الله ييسر له اذا بيتزوج والا بيطلق
    انا غسلت ايدي منه
    بس ادعوا عسى الله ينسيني غصة اللي صار

تابعي تجارب أخرى من هذا القسم.