السلام عليكم ورحمة الله وبركاته 🌸
بنات انا بهم مايعلم فيه غير ربي ااااه بس ، زوجي له صديق يقول عنه صديق الطفوله والروح بالروح المهم هالصديق كلامه كثير مع زوجي عن بيته وزوجته وخواته اللي ماتزوجن وعن البنات اللي يتواصلن معه لانه موظف ب اختلاط فجالس يشرح لزوجي اشياء كثيره بخصوصياته في بيته وزوجي اي شي يسمعه منه مثلا يقول انت وزوجتك جربو كذا سوو كذا قولو كذا حطو كذا زوجي الامعه يطبق تعبت افهمه مالنا دخل بحياتهم يقول الرجال نصحني حتى لو في الاكل لازم نطبق مثلهم وكمان يشكي لزوجي عن خواته اللي في بيتهم ماتزوجن وزوجي يجي شايل همهن اقوله شدخلنا فيهن يقول حرام عوانس ماتزوجن ويعلم زوجي عن بنات الدوام وحركاتهن معه وكيف هو يسحب فيهن ويطقطق عليهن وزوجي مبسوط ع الاخر المشكله الامر والادهى زوجي ايام الويكند ماشوفه طالع مع صديقه هذا وانا جالسه بالبيت منطقه لا عندي عيال ولا اهل اتسلى فيهم وزوجتو تروح حق اهلها ولا مع صديقاتها تطلع تونس وانا اذا قلت له بروح معك نتمشى قال لا صديقي بيطلع معي ورب النعمه مليت من هالوضع زوجي مو راضي يفهم هالشي حاولت اقنعه لكل واحد خصوصياته وحياته يرفض لازم يسمع لصديقه المغفل ذا ، الان افكر اخذ رقم صديقه واكلمه من جوال امي واشرح له الوضع كله واقوله ياليت تتحفظ بخصوصياتك لان فيها احيانا خراب بيوت واقوله ع كل شي سببه في حياتي من كلامه لزوجي ، للامانه فكرت اجيب رقم زوجتو واكلمها بس ماتعطي احد رقمها قلت مافيه غير هالحل وللمعلوميه ماعندي اخوان اكبر مني عشان يكلمونه بالنيابه عني لان هذا هو الحل الوحيد
حياتي الان فلان يقول وفلان يسوي كذا وفلان مجرب كذا ، زوجي يقولها بطيب نيه يعني يقول عندي فضول اجرب كلامه حتى لو يقول صديقه اكل تراب اكل زوجي 💔
( موضوعي فقط لاصحآب الردود الحكيمه والهادفه ، الغير يتعذرهم مانبي لهم ردود ✋ )
شاركي في النقاش
سجلي الدخول لإضافة تعليق.
التعليقات
59- والله مااقول الا الله يعينك خذي موقف قوي وقلي له انا مابي اعيش حياه مستنسخه من حياة رفيقك انا ابي حياتي ابي استمتع معاك مو كل شوي صديقي سوا صديقي جا اذا دخلت بيتي ماتتكلم عنه خليه ورا الباب ترا طفشت لي حقوقي حتى انا وان شاء الله ينفع معاه وربي يوفقك
- انتبهي تسوي هالخطوه .......مالك الالدعاء وفوضي امرك لله وهشمي صديقه مثلا قومي عنهن مثلن قولي لي شخصيه انت طبق على نفسك انا محد يملي تصرفاتي على ...
- ههههههههههههه كل تراب😂😂
انا من رايي احس صعبه جدا تكلمينه ،، بعدين ايش بتكون نظرته فيك او يفهمها بطريقه ثانيه.. ماانصحك تكلمينه ابد لكن الحل الافضل اطلبي رقم زوجته من زوجك او رقم وحده من خواته وكلميهم..
مع اني لو بمكانك مااكلمه ولا خواته ولازوجته بس بحاول اقنع زوجي وان شاءالله مع الايام يبتعد عنه.. - تعوذي من الشيطان
لا تفكرين ولا حتى في خيالك واحلامك انك تتواصلين مع صديق زوجك لانك تجيبين المشاكل والمصايب لنفسك بنفسك
ترى صديقه من ايام الطفوله يعني طبيعي يسمع ويتأثر منه حتى ابوي اللي متزوج امي من زمان وجايبين بنات واولاد كبار لازال ياخذ الراي من اصدقائه ويعتبر كلامهم هو اللي صح لانهم رجال وطبيعي يزعل ويتأثر اذا صارت مشكله عليهم .
لكن الغير طبيعي انك تبين زوجك صنم مايحس ولا يتكلم ولا يعبر ولا يجرب الامور اللي من صديقه خاصة اذا كانت ماتضر مافيها شي جربيها
والغير طبيعي انك تفكرين تكلمين صديقه وترمين عنده خصوصياتكم واسراركم وتطلبين منه يبعد عن صديق عمره عشانك ترى كل شي بيوصل لزوجك مع كم نصيحه رجاليه وعقل رجال انه حرمه ماتفرق الرجال !!
تبين تتطلقين شكلك مشتاقه لبيت اهلك !!
اركدي وتعوذي من الشيطان وحاولي تتفاهمين معاه بهدوء ومعك الاسبوع كامل خصصي وقت يطلعك فيه ، واكيد له وقت لاصحابه
تعرفي على جيران وصديقات زوريهم ويزورونك
لا تعلقين حياتك على زوجك شوفيه عايش حياته الزوجيه وبنفس الوقت مانسى اصحابه وحياته - لا تكلميه بتدخلي بمشاكل لا اخر لها
غريبه اصحاب وماتعارفوا انتو الزوجات لو قدرتي تتعرفي ع زوجته كلميها
مواضيع مشابهة
تابعي تجارب أخرى من هذا القسم.