أنا وزوجي والسكن
السلام عليكم مرحبا بنات ...بنات عندي مشكلة من اسبوعين والله طيرت النوم من عيني وشغلت تفكيري مااعرف اش اسوي ولا اقدر اتكلم مع اي احد من اهلي فيها بنات انا زواجي مابقى عليه غير وقت قصير الله يتممه على خيروأمي وأبويآ الله يحفظهم اوووول شرط حطوه في العقد (( بيت شرعي )) آوك ؟ يعني الموضوع عندهم شي مفروغ منه , يستأجر يبني يشتري براحته بس المهم يجيب لي بيت وأهل زوجي بيتهم كبير وفيه عندهم الدور اللي فوقهم فاضي وزوجي دحين وهو جالس يدور بيت لقى الشقق اسعارها غاليه على مساحاتها وصاروا اهله يزنو على راسه انو يسكن معاهم والبيت فاضي ليش تستأجر وكذا وهو بيني وبينكم عجبته الفكرة انو نسكن فوقهم يوفر مبلغ الايجار وبالمرة نكون مع اهله وقريب منهم اذا احتاجوه لأنه عندهم اخوهم مراهق مجنن امه وابوه وزوجي الوحيد اللي يخاف منه وله كم يوم يقولي اش رايك نسكن معاهم وصار يوصفلي الدور وانه حيكون مستقل وكبير وصار يجيبها ليا بطرق تانية عشان اقتنع يقولي اذا رحت الدوام حاروح وانا مطمن عليك لكن اذا استأجرنا اخاف اخليك لوحدك خاصة دوامه شفتات واذا طفشتي تنزلي عند امي واخواتي وماحنسكن الا وقت قصير باذن الله يعني من 6شهور إلى سنه بالكتيييير طبعا انا عارفه انو لو سكن حيعجبه الوضع وماحيخرج بسهولة صرت المح له اني ماابغى وابرر اني اخاف من المشاكل اللي حتصير وكل يوم لازم اكون مضطرة انزلهم وانا مره مو كداويجلس يقولي امي ماحتزعل منك لو مانزلتي لهم بالعكس حتقدر وضعك واصلا ماحيكلموك ومن الاخر كدا انا متأكده انه حيسكن معاهم خلاص لانه جالس يقولي اطلبي اش تبغيني اسويلك في البيت اش التصليحات اللي حابتها وكدا يابنات انا مره انسانه مو اجتماعية انا مااخرج الا مع امي مستحيل اخرج لوحدي ومااحب كتر الزيارات وصعب عليا اتعرف على أحد مره صعب وتبوا الصراحة انا ماصار عندي مشكلة انو اسكن معاهم اذا حيتقفل بابي عليا لا اشوفهم ولا يشوفوني بس خايقه من ردة فعل اهلي مااعرف كيف اقوله اني ماابغى اسكن معاهم لاني مااقدر اقولها له بصراحة مره استحي واخاف ياخدها اني اكره اهله وطيب لو قرر يسكن مع اهله كيف افاتح أهلي بالموضوع كيف اقولهم لانه ولا وحدة من اخواتي سكنت مع اهل زوجها وامي مررره ضد الفكرة انو نسكن مع اهل ازواجنا ساعدوني اش اسوي مع زوجي عشان مايسكن مع اهله اوكيف اكلم اهلي اذا خلاص اتخذ القرار