أنا وزوجي والسكن

انا معك..انا نشرط بيت مستقل.... السكن مع اهل الزوج او لا مو يعني نكرههم لكن البعد زين عشان مايصدر مني شي يضايقهم او يصدر منهم شي يضايقني ... احترمهم احبهم ويحبوني...لكن اذا البيت كبير وفيه قسم مستققققققل باب لحاله ع الشارع اوك....وانتي بعد لازم يكون لك حدود ولهم حدود....حطي يوم او يومين تنزلين لهم تسلمين واذا بتاخذين معك شي برضوا زيييين....




لكن تقعدين فوقهم وتحلطمين قالوا حطوا وراقبوني وتبلوني و و و و لا.... ريحيهم واسكني برا...




اذا بتخلين لسانك وعيونك في راسك حلو بعض البنات ناشبه في الشباك تشوف من جا ومن راح وتتبع الاخبار.وكل ماطفشت نزلت وسولفت وهبهبت ...وتجي تشكي من اهل زوجها واهي البلى كله..


الزبده ..باب لحالك...وجدول لك ولهم.. يومين في الاسبوع بالكثير ...واذا فيه ضيوف وقالوا تعالي روحي سلمي وساعديهم ..واذا خلصت الزياره اطلعي بيتك...ولا تقولين تعالوا اسهروا عندي و تعالوا وتعالوا بعدين تجين تشكين اهل زوجي كل يوم عندي!!!انتي سمحتي لهم..


واذا ساكنين عشان توفرون خلاص هي الحياة يا توفير و مافيه خصوصيه...او اجار يتعب وفيه خصوصيه

انا بالنسبه لي حتى لو كانو اهل زوجها راعين مشاكل وموذيين او كانو ناس طيبين ومحترمين دام كذا كذا بيتها لحال يتقفل عليها تاخذ راحتها فيه سواء فوق اهل زوجها او بدوله ثانيه اذا على جيات خوات الزوج ترى بس بالبدايه انا كانو يجون قليل لاكن انقطعوا اتوفع بس بالبدايه حتى لو يجون كثير انتي بالنهايه هذا بيتك كم بيجلسون ساعه ساعتين ويمشون عادي الي اشوفه الاغلب انهم يجون بس بالبدايه عقب بالسنوات محد داق بابك الا اذا عزمتيهم من كيفك .

ليدي البنات يقصدون الدور نظامه مفتوح يعني درج داخل بوسط البيت معناها دخلتك طلعتك بتكون من قدام اهله؟؟


والا الدرج على باب السيم اذا على باب السيم الي يطلع للشارع بالنسبه لي انا على باب السيم اطلع ادخل محد داري هذا سؤال البنات .... ؟؟؟

اول شي لفت نظري كلمتك له اخاف من المشاكل
ترى المشاكل اذا بتجي بتجي سواء ساكنه معاهم او بعيده عنهم
ثانيا انتو شرطتو سكن مستقل
اذا زوجك بيفتح لك باب للشارع مستقل يعني وانتي بتطلعين لاتشوفينهم ولاتمرين عليهم ولا يشوفونك
والاهم باب يفصل ويقفل في الدرج الموصول من تحت الى الدور العلوي يعني ماحد يدخل الدور العلوي
الا لمن يطق الباب
هذا يعتبر سكن مستقل وزوجك ما اخل بالشرط
اما اذا عكس كذا والقسم العلوي مفتوح وطلعتك معاهم نفس الباب اعترضي ما انصحك ابدا بالذات ان شخصيتك تحبين الاستقلاليه
بس اذا اهلك قصدهم سكن مستقل خارج منزل الاهل هم ما اذكرو شي فمالهم حق يعترضون
اتفقي مع زوجك انه يكون مستقل بباب الشارع والدرج الداخلي مقفل بباب
اذا وافق قوليله انت كلم اهلي
وخلك مع راي اهلك
الله يوفقك

اولا الف مبروك والله يتمم لك على خير ويسعدكم
ثانيا انتو شرطتو بيت خلاص الدور اللي عند أهله بيت
وبالعكس حلو إنّو ماتدفعون اجار ماعندكم مستؤوليه شهريه اللي هي الاجار كل شهر تشيلون همها ..وبدال ماتدفعون أجار اشتري كل شهر جهاز ببيتك مره غسالة أطباق ومره مجففه ومره صانعة قهوة وهكذا حطي ببيتك عشان اذا طلعتي تستفيدي تاخذي الأجهزه معاكي وخليه يحط لك مصروف>> زوجك على ماعودتيه وابنك على ماربيتيه ..
واهله أبدا لا تجيبي طاريهم بالسوء ومهما ياأذوك خليك انتي الطبيه وطنشي >> مع أني احس انهم راح يكونو ناس طيبين واهم شي رضا زوجك وراحتك انتي...