👶👧التجمع(6) لأمهات يناير وفبراير2017.

مسائك ورد ،،،،، والله حملي هذا مامر علي من قبل والحمدلله كان حملي اللي قبل سهل وميسر ماكنت اعرف مراجعات يمكن ماروح الا 4 مرات او 3مرات طول فتره الحمل ،،،،،،

حملي هذا من السادس الطلق شغال معاي يجي ويروح تعبت وتعبوني نفسياً وتعبت من كثر ماروح لهم واشوف الحريم يولدن ويصرخن واقفل اذني 😭

وبنفس الوقت ماقدر اتجاهل الالم اخاف ماروح للمستشفى واخذ ذنب الجنين واعرض نفسي ونفسه للخطر ☹

بناتي يشوفوني اتألم يبكون 😥وماقدر امسك نفسي الالم نفس الطلق يجيني من فوق لاشعورياً اصرخ اقول لزوجي الحمل ذا روحي طلعت فيه مادري كل ماتكررت عدد الحملات كل ماكانت الصحه ماتتحمل الحمل والا يتهيأ لي ☹

الله يسلمك حبيبتي سكره من كل شر ويتمم علينا بخير ويفرج همك ويفرحك بجنينك للتاسع بصحه وعافيه ايوه رحت اليوم سويت تخطيط واخذت ابره الحمدلله ،،،،،،

طبعاً بعد ماطلعت من دكتورتي قالت لي روحي مستشفى حكومي لان لو زاد الطلق متوفره حضانات عندهم جيت للبيت ماقدرت اروح من خوفي واخذت مويه زمزم اشرب منها وامسح على بطني وقلت لو زاد الالم بطلع للمستشفى اخر الليل الحاصل ان الالم مستمر اللي مجربات الطلق نفسه يجيني المغص من فوق البطن مع تحجير والم بالظهر ماتحرك ابداً من نومي افز اصارخ توكلت على الله ورحت من يوم دخلت جاتني فجعه من شفت صريخ الحريم ،،،،دخلت للدكتوره ووصفت وضعي قالت طلق نتاكد بالتخطيط شربت عصير وطلعت للتخطيط جلست تقريباً نص ساعه جاتني السستر تقولي متأكده شربتي عصير قلت اي قالت مايتحرك البيبي وفعلاً ماكانت فيه حركه قلت يمكن نايم قالت لو نايم وشربتي عصير بيصحى وانقلبت على جنبي قالت يمكن يتحرك ماتحرك ،،،،،،جات رجه بطني رج يمين ويسار بقوه وتحرك الحمدلله 😥شعور مو زين حسيته فجعه كل شي جاب ببالي اعوذبالله من الشيطان ،،،،
خلصت رحت للدكتوره واعطتني ابره توقف الطلق وابره مسكنه للالم وصرفت لي ادويه قالت اهم شي ماتجوعي حتى وانتي نايمه حطي اكل خفيف جنبك لان الضغط نازل وانا مو قادره اكل شي من الالم ونزل مني شي بني خفيف قالت لي هذا من الالتهابات لاتخافين منه ورجعت صرفت لي تحاميل


وطلعت من المستشفى الصباح تعبت من المستشفى والقلق النفسي


كل اللي بسويه حالياً برتاح بالبيت معاد بطلع لين تمر اسبوعين ووكلت امري لله

اللي خايفات من الولاده ومن التباشير ،،،،،،،ورعب الموقف لاتخافون انا اكبر خوافه ،،،،الولاده وتتحملين المها كلها كم ساعه وخالصه ،،،والحمدلله تطلعين بفرحه ونتيجه مثمره مو مثل الم الحمل وثقله وقلقه وتعبه متوتره من اي شي يجيك ونفسيتك تتعب


امس تمنيت انه شهري على قد ماجاني من الم واني اولد واخلص ،،،لكن هاااانت الحمدلله مابقي شي وربي يفرحنا ويبلغنا مبتغانا

ياحياااتي والله حااااسه فيييك
وحاااسه بالخووف والتوتر اللي عااايشه فيييه
الله يتمم لك على خييير ويفررج همك وتشوفي النونو بحضنك سليم متعافي
ارتااااحي ياقلبي ونفسيتك ريحيها عالأخر وترا حريم كثااار اخذوا ابرة توقف الطلق وبإذن الله وقف الطلق
لااوصيك على نفسسك وسااامحين لك تفتتحين ملف التبااشير وانتي والده النونو بالتاسع وتنكتين علينااا
اللهم يااارحيييم ارحم حااالنا وضعف حيلتنا وتمم علينا حملنا يااارب