بنات زوجي متضايق مني من امس ما ادزي ايش أسوي
خالة ابوه حرمة مو كبيره حيل ب الستينات و تحبني مرره امس جت عندنا و قالت لزوجي فلان تقدر توصلني عرس قال لها تم ي خاله و انا كنت لابسه و كاشخه قالت لي تعالي معي العرس بيفرحون فيك و حسّيت ودها فيتي و قلت لها تمام بس ١٠ دقايق اللبس عباتي و اضبط نفسي اكثر
طلعنا العرس و اللي ب العرس من بعيد م يقربون لتا بس هي تعرفهم مررره يعني م يدرون اني متزوجه او لا
م ودي امدح نفسي عشان لا تجيني ردود من المريضين بس الحمدلله الله عطاني جاذبيه اكثر من الجمال و طول و بياض و شعر
و الحمدلله عندي ولد بس مو باين
جوها يمكن ٤ يسألون عني و هي تضحك و تقول أخذناها قبلكم
جاء زوجي يأخذنا و تعرفون الكبار و سوالفهم اللي بحسن النيه تقوله فاتك زوجتك كم وحده تبيها و قالت كلمه اتوقع هذي اللي اثرت بزوجي قالت له سبحان من جمع طلبات الرجال فيها قصدها المواصفات و نقول له عن وحده قالت لها بمزح من وين جبتوها تعبت و انا ادور طويله لولدي صك٣٥ و م تزوج لو أني شايفتها و خاطبتها كان نجن لان يقول يبي طول ونسب عادي الجمال مو مهم شلون لو لقى الاثنين( طولي ١٧٠)
يعني كلام كبير و يقهر آي رجال بيفهمه ان زوجته مرغوبه عند الرجال و هي حبيبتي تقول و تضحك ع بالها هالشي بيفرحني و بيحسسه بشكلي
وصلناها و من امس متضايق
يحاول م يُبين لي ايد لان مالي ذنب و بنفس الوقت متكدر كثيييير و امس راحت علينا سهره الويكند
و اللي خلاني افتح الموضوع الحين بنروح نتغدى برا حسيته يدقق بشكلي و عباتي انا نقابي عادي يقولي اللبسي إسلامي و طولي أكمام عباتك رغم ان عباتي راس من تزوجته ٤ سنين يمدح ان عباتي عدله و نقابي عدل و اليوم قلب علي م ادري ي بنات هالشي مضايقني و اخاف يستمر يصير يدقق بلبسي و بروحاتي للأعراس
ولا اقدر احس افتح معه الموضوع وش اقول يعني و اصلا هو م فتحه انا وش يفتحني اياه علموني وش أسوي
صح اللي ليقولون وش جاب خالة زوجك عندكم
جنا ساكنين فوق أهله و كنّا نازلين تحت و هي جت تسلم و تشوف احد يوصلها
الموضوع مغلق