الموضوع مغلق

انخطبت و موقف زوجي

بنات زوجي متضايق مني من امس ما ادزي ايش أسوي
خالة ابوه حرمة مو كبيره حيل ب الستينات و تحبني مرره امس جت عندنا و قالت لزوجي فلان تقدر توصلني عرس قال لها تم ي خاله و انا كنت لابسه و كاشخه قالت لي تعالي معي العرس بيفرحون فيك و حسّيت ودها فيتي و قلت لها تمام بس ١٠ دقايق اللبس عباتي و اضبط نفسي اكثر
طلعنا العرس و اللي ب العرس من بعيد م يقربون لتا بس هي تعرفهم مررره يعني م يدرون اني متزوجه او لا
م ودي امدح نفسي عشان لا تجيني ردود من المريضين بس الحمدلله الله عطاني جاذبيه اكثر من الجمال و طول و بياض و شعر
و الحمدلله عندي ولد بس مو باين
جوها يمكن ٤ يسألون عني و هي تضحك و تقول أخذناها قبلكم
جاء زوجي يأخذنا و تعرفون الكبار و سوالفهم اللي بحسن النيه تقوله فاتك زوجتك كم وحده تبيها و قالت كلمه اتوقع هذي اللي اثرت بزوجي قالت له سبحان من جمع طلبات الرجال فيها قصدها المواصفات و نقول له عن وحده قالت لها بمزح من وين جبتوها تعبت و انا ادور طويله لولدي صك٣٥ و م تزوج لو أني شايفتها و خاطبتها كان نجن لان يقول يبي طول ونسب عادي الجمال مو مهم شلون لو لقى الاثنين( طولي ١٧٠)
يعني كلام كبير و يقهر آي رجال بيفهمه ان زوجته مرغوبه عند الرجال و هي حبيبتي تقول و تضحك ع بالها هالشي بيفرحني و بيحسسه بشكلي
وصلناها و من امس متضايق
يحاول م يُبين لي ايد لان مالي ذنب و بنفس الوقت متكدر كثيييير و امس راحت علينا سهره الويكند
و اللي خلاني افتح الموضوع الحين بنروح نتغدى برا حسيته يدقق بشكلي و عباتي انا نقابي عادي يقولي اللبسي إسلامي و طولي أكمام عباتك رغم ان عباتي راس من تزوجته ٤ سنين يمدح ان عباتي عدله و نقابي عدل و اليوم قلب علي م ادري ي بنات هالشي مضايقني و اخاف يستمر يصير يدقق بلبسي و بروحاتي للأعراس
ولا اقدر احس افتح معه الموضوع وش اقول يعني و اصلا هو م فتحه انا وش يفتحني اياه علموني وش أسوي
صح اللي ليقولون وش جاب خالة زوجك عندكم
جنا ساكنين فوق أهله و كنّا نازلين تحت و هي جت تسلم و تشوف احد يوصلها

102 تعليق 36,472 مشاهدة

شاركي في النقاش

سجلي الدخول لإضافة تعليق.

التعليقات

96
  1. @amy_gn

    هم الرجال كذا
    انا مره في زواج سلمت على ام العروس قالت عقبالك ان شاء الله
    بس درى تضايق بس ادنى رد
    قال تحسبك عانس قلت لا ياشيخ
    يعنى ان شاء الله كم يوم ينسى بس اهم شي لا تدينا فرصه يدقق فيك مره لان بصير يدقق في روحتك وجئتك ويمكن حتى بلبسك ومكياجك في الزواجات
    الله يهدي خالته
  2. @roh_amyry

    امي جنة
    هم الرجال كذا انا مره في زواج سلمت على ام العروس قالت عقبالك ان شاء الله بس درى تضايق بس ادنى رد قال تحسبك عانس قلت لا ياشيخ يعنى ان شاء الله كم يوم ينسى بس اهم شي لا تدينا فرصه يدقق فيك مره لان بصير يدقق في روحتك وجئتك ويمكن حتى بلبسك…
    هههههههههه تحسبك عانس هذا مو مقهور وبس هذا قدر ضغط ههههه الله يسعدك

    صاحبة الموضوع .. لو انا مكانك اقول شفت ياحظك فيني كل رجال العالم مايساوون ظفرك والحمدلله انك نصيبي ومن هالكلام

    الرجال سهلييييين جدا بس يبيله لسان حلو وذكاء شوي وامورك تمام
  3. @zhd_3

    هههههه يغار عليك عادي ..انتي من نفسك لطلعتي بادري تغطي والبسي قفاز ونقاب ساتر ... وعادي لاتقاشرينه بلعكسس افتحي الموضوع وقولي لاتزعل بلعكس انبسط اني لك وانا ماملا عيني الاانت و ...و ... من الكلام الي يطيب الخاطر ..
  4. @aliya2016

    صاحبة الموضوع
    امي جنة
    هم الرجال كذا انا مره في زواج سلمت على ام العروس قالت عقبالك ان شاء الله بس درى تضايق بس ادنى رد قال تحسبك عانس قلت لا ياشيخ يعنى ان شاء الله كم يوم ينسى بس اهم شي لا تدينا فرصه يدقق فيك مره لان بصير يدقق في روحتك وجئتك ويمكن حتى بلبسك…
    ههههههههه رده من قهره يبي يحسسك انك كبيره و تحسبك مو متزوجه يعني هاه لا تشوفين نفسك علينا 😛
    ان شاء الله ي رب ينسى معني م اظن زوجي لحط شي براسه م يغيره ولا ينسى

تابعي تجارب أخرى من هذا القسم.