حزن وكآبة !! بعد مولودي الرابع ...

قولي الحمدلله يا شيخه.. كلهم عزوه وسند ليكي..
انا اتمنى ريحة طفل بس..


ااااه ربي يرزقني ويرزق كل الي تبي ..

وليش كل هذا وعذبتني نفسك كل شي مكتوب لك من قبل تولدين اولادك ادعي لهم بالصلاح والهدايه
وادعي ان الله يرزقكم من فضله ويسخر لك زوجك
صدقيني ابن ادم مسير ماهو مخير يعني كل اللي صار لك مكتوب وخيره لك
صح ساعات اذا انضغطنا نجزع ومالومك سنوات زواجك قليل والمسؤليه صارت كبيره اذا كان انا بكمل 11سنه من تزوجت وعندي 4 واشوفها قليله وكيف جبت 4 مع ان 2تؤم يعني مالي يد بالموضوع ومن جبت مولودي الثاني وانا اكتئاب وتعب نفسي وبدني الله المستعان


وعلى فكره خواتي تزوجوا بعدي وماشاء الله كل وحده معها 4 وموظفات ووحده نفس وضعك تقريبا يعني 4اولاد وعلى بعض بس الاول كان فيه فرق بينه وبين الثاني اما الباقين مابينهم شي خصوصا الاخيرين حملت بالصغير واخوه ماكمل 3شهور وزوجها نفس زوجك وكل المسؤليه عليها ربي يعينك ويعينها


لكن دايم نتذكر النعم الثانيه اكبر نعمه ان اولادك وانتي بصحه وعافيه وان امك واهلك عندك وانك موظفه صح مشاكل الموظفات مع رجالهم كثير بس تبقى موظفه والوظيفه امان لها بعد الله ونصيحه عشان يتبارك راتبك سوي استقطاع شهري لو مبلغ بسيط جدا وصدقيني ربي راح يطرح فيه البركه ويكفيكم وزياده




ووسعي صدرك وكلها كم سنه ويكبرون اولادك ويشيلون انفسهم اهم شي علميهم يخافون على بعض ويحبون بعض ويساعدون بعض يمكن هالاولاد يكونون لك عون ويبرون فيك


بالنسبه للحمل اجليه 5سنوات ومافيها شي الحريم يتعدون ال45ويحملون وموظفات ومزوجين اولادهم بعد يعني بال40ماتنتهي صلاحية الحرمه وقادره انها تحمل وتولد وتربي


اذا مو قادره روحي طبيب نفسي يعطيك علاج للاكتئاب واكبر علاج للاكتئاب هو القرآن والاذكار وهالشي مجربته انا بنفسي مارتحت الا لما التزمت بالاذكار وقراءة القرآن تحسين بقوة داخليه وكل مشاكلك تهون بعينك


اسال الله العلي العظيم ان يرزقك راحة البال

قولي الحمدلله غيرك يتمنى لو طفل واحد.

هذا اكتئاب ما بعد الولادة تعوذي من الشيطان كيف فكرتي تقتلي ابنك وهو جنين مالو ذنب وغيرك ميت ع ريحة ولد احمدي ربك واشكريه واذا حابة تجيبي بنت انطري بعد ٣ او ٤ سنوات وجربي مع العمل بالاسباب وكله بأمر الله