لقــــــــــــــــــــــــــــ ـاء الأحبــــــــــــــــــــة (الجزء الخامس)

متابعة النقاش، صفحة 226

شاركي في النقاش

سجلي الدخول لإضافة تعليق.

التعليقات

1,934
  1. السلام عليكم ورحمة الله..

    كيفكم يا قمرات..

    بتمنى يكون الصيام خفيف عليكم كلكم وما حدا عنده مشكلة.. الحمد لله بالنسبة لي الصيام أكثر من رائع بفضل من الله ما في غير شوية عطش.. الله يعيننا على الحر.. غير هيك مافي .. وسبحان الله كيف بغمضة عين صار طاير من رمضان يومين وهذا الثالث.. يا رب ما نطلع منه إلا وقد نلنا جزيل رحمتك وعظيم مغفرتك والفوز بالعتق من نيرانك يا رب العالمين..

    بالنسبة لقراءة القرآن يا زهورة..

    أنا بدأت من أول يوم والحمد لله.. بس حاسة حالي بطيئة.. وكلي أمل أختمه بأسبوعين.. عشان هيك صليت الفجر قبل شوي وناوية ماأنام إن شاء الله إلا مخلصة الجزء الرابع..
    أنا بقرأ من المصحف بصلاتي المفروضة وبصلاة التراويح كمان.. لأني ما بضمن وقتي يسمحلي أقعد أقرأ.. وإذا صحلي مش غلط.. بس بقرأ بالركعة تقريبا صفحة إلى صفحة ونص ((بقرأ بترتيل وصوتي جميل والحمد لله بشهادة زوجي و أهلي و مدرساتي - كنت بالزمانات أقرأ بالإذاعة المدرسية عشان قراءتي متقنة والحمد لله)).. صحيح بلشو رجلي يوجعوني .. بس ما حدا بيعرف رمضان الجاي كيف نكون ووين نكون..! ربنا يعيننا عالتعب وبنحتسب الأجر من عنده وحده سبحانه ..

    بالنسبة لموضوع الذهاب إلى المسجد..

    لما كنت عند أهلي.. كنا متعودين نروح عالصلاة كلنا .. وكنت أحس في طعم ثاني للخشوع على صوت إمام مسجدنا الله يعطيه الصحة والعافية..وأنا بشوف إنه كثرة المساجد وتنوع القراء و إختلافهم من حيث طول القراءة في الركعات بيسمحلنا نختار وين نروح( طبعا حسب الإستطاعة)
    وبالنسبة لمشكلة الأطفال كان في مصلى مخصص للي معها أطفال في هذا المسجد وفي موظفات مكلفات عالأبواب يوجهو اللي معهم أطفال لهذا المصلى(مصلى مكشوف) وكان المصلى الثاني هادئ وما فيه أصوات.. آخر مرة رحت عهالمسجد وأنا حامل.. كملت رمضان لحتى صليت صلاة العيد.. بموت عليها (بحسها هي العيد بالنسبة إلي)

    وأنا بحلم أروح هاي السنة على هذا المصلى وموعودة من ماما تاخذني معها يوم ما أروح أفطر عندهم (طبعا مع زوجي وأبوي وإخواني لأنه مسجد العيلة كلنا بنجتمع فيه).. ولو حسيت إبني مش مريحني أو مزعج المصلين .. باخذه وبقعد بالسيارة على ما يخلصو..
    بس طبعا حاليا بصلي بالبيت لما ينام ابني بعد العشا..بخليه ينعس طول النهار ما بنيمه عشان أخليه يهدي بالي وينام وأصلي كم ركعة بهدوء.. ولو ما نام بصلي وهو جنبي.. أوفوقي أو تحتي طبعا ..(( إنتو عارفين كيف الصغار))

    هذا رأيي بالمواضيع اللي طرحتوها.. وربنا ينفعنا وينفعكم ويأجرنا ويأجركم..

    سلاااااام
  2. $أميرة النجوم$
    السلام عليكم ورحمة الله.. كيفكم يا قمرات.. بتمنى يكون الصيام خفيف عليكم كلكم وما حدا عنده مشكلة.. الحمد لله بالنسبة لي الصيام أكثر من رائع بفضل من الله ما في غير شوية عطش.. الله يعيننا على الحر.. غير هيك مافي .. وسبحان الله كيف بغمضة عين…
    صباح الخير بنات الساعه سبعه الا عشره الصبح

    صليت الفجر وقريت قرأن وما اعرفت انام

    ممممم كيفكم ؟؟


    طيف الجنان

    حطي اللينك لو سمحتي (((( انا بموووت على ريحة فلسطييييييييييين ))))


    بنات انا من الخليل من هون بالخليل ؟!!!

    وبالنسبه لنونو {{{ شو هالدراسه الغريبه عجيبه اول مره بسمع فيها على العموم مبروك تخرجك}}}
  3. أتؤتة

    السلام عليكم ورحمة الله
    منورة عهالصبح حبيبتي.. بس ممكن تقوليلي كيف أكتب إسمك بالعربي ؟؟ كل ما آجي أكتبه بقول بجوز البنت ما تعرف إني بحكي معها!!

    ولا أقلك.. نورا أحسن..

    صباحك سكر..

تابعي تجارب أخرى من هذا القسم.