💐التباشير (1) لمواليد يناير وفبراير2017💐

😍😍😍 حبيبة قلبي روز الله يسعدك يارب ويسلمك وانا اشتقت لك وللبنات بس تعرفين مع بيت الأهل وكذا ماتفضى الوحده كثير والنت مو مره ..والله يسعد البنات وكل من رد علي أمس ❤ والله يسلمكم جميع... بالنسبة للألتصاقات مدري وش سببها بالضبط بس أمي عندها حاليا وقالوا لازم تسوين عمليه بس هيه ماسوتها وامي كلنا جابتنا عمليه 6 عمليات ماشاء الله لأن الحوض ضيق عندها ماتقدر تولد طبيعي جربوا فيها بأختي البكر وأنا الثانيه أنها تولد طبيعي بس سبحان الله ماتقدر والله لايضيع لكل أم تعبها يارب ويعين الحريم مساكين ..

اليوم خذت أغراض الصيدليه الحمدلله ونزلت شريت للنفاس ملابس بس باقي عليه اغراض العطار وكمان ماجهزت شنطة المستشفى الله يعين ... وفيني كسل مو طبيعي من جيت لأهلي السبت مافيني أمشي مره وأحس ارجولي شوي تنفخت مدري من ايش انا سافرت طيران كلها ساعه وربع وسياره حول ساعه ونص لأن الخط كان سهل الحمدلله مافيه زحمه كالعاده فأقول معقول تنفيخ الرجول من الجلسة في الطياره والسيارة ذي المده؟؟؟

وصح بسألكم الحين ابي اروح افتح لي ملف عشان اذا ولدت وش أقولهم جايه زياره أو ايش لأن الحين في التاسع اخاف يقولون وش جابك الحين وبعدين افتح ملف وتابع ولا مايحتاج بس افتح الملف ومااروح إلا إذا جتني الولاة أهم شي الملف 😅 ردوا علي بدري الله يسعدكم لأن بروح الظهر أن شاء الله

ياعمرري يانجمة
الحمدلله إنك بخير وعافية
وكويس بدأتي تخلصي أمورك

روحي المستشفى ضروري وافتحي ملف وقولي لهم وضعك أنا كنت أتابع بالمنطقة اللي فيها زوجي والحين جيت زيارة لأهلي لأني بولد هنا
وأبي أفتح ملف وأشوف دكتورة النساء لأني تعبانة
وافتحي الملف وادخلي عليها وقولي لها كل اللي تحسين فيه
وجاوبي على اسئلتهم التعيسة الحين قبل ماتجيك الولادة وتروحين ويقعدون يسألون فيك وانتِ مو حولهم ترى بعضهم ماعندهم صبر ولا رحمة ويارب يسخر لك الطيبين

طمنينا عليك ياقمر ولاتقطعين

واحكي لنا وش شعور أهلك وهم شايفينك لأول مره بكرشة الحمل 😍😍❤️