مشكلة زوجي دخلتني حاله من الياس

اتحداك ...واسالني شخصيا ..وين كنت والحين كيف ولله الحمد الله يثبتنا ويزدنا ايمان...لا يغرك مظاهر الناس وسوالفهم وضحكاتهم...راعي الذنوب لى ما يصلي ومقصر مع ربه عمره ما يذوق السعاده حتى لو عنده عيال ومال وجهاه ... السعاده في القرب من الله طهاره القلب م المعاصي اعظم سعاده ....تقربي من الله فماخاب من توكل عليه وادعي الله بهدايه وصلاح الحااال....وكثيىر استغفار ..بتشووفين الخيرر والسعاده وتحقيق الامنيات وراح تستحقرين بعض الامور لى كانت تشغل بالك وتمووتك هم.....الرجوع لله سبحانه ولا له شريك..

انتي مثل الي يارب اعطني الي ابي ولا ترا بترك عبادتك ، عطني واعطيك كانك تعبدين الله عشانه هو مهب عشانك !
الله غني عنك اعرفي هالشي
لكن الله يعطي الي يبي ويمنع عن الي يبي ويختبر الي يبي ويبتلي الي يبي
بعضهم يحرمهم من شي لااجل مصلحه هم يجهلونها ويصرون عليها مايدرون انها بتسبب لهم اذئ ،
كم من بنت تعدت الثلاثين ماتزوجت قالت ليه ماتزوجت ! يمكن لو تزوجت هبل فيها زوجها وطلع لها قرونها فتقعد في بيت اهلها معززه مكرمه ،
الان انتي في اختبار ان نجحتي فيه اكرمك الله بعطاءه سواءً في الدنيا او الاخره ان رسبتي فيه فالوحيد الخسران انتي !
مقارنتك بالي كان يحبك بحياتك اكبر غلط له حياته ولك حياتك الي فات مات انشغلي بحياتك وخلي حياته له يمكن تكون نفسه فيك حاولي تاخذين اثر منه ،
ومقارنتك بالناس احب اقولك شوفي الي اقل منك شان اقل منك عيشه اقل منك مرض هم غم فيه الي اسواء منك حاله احمدي الله انها جت بس ع موضوع حملك ماجت ع كونك معاقه كون فيك برص ماتنطقين ماتكتبين محرومه من جوال وا و و و
لاتشوفين بس الي هم اعلي منك بتتعبين وتتعب نفسيتك ونتي الوحيده الي بتاكلين هواء ،لان محد رح يحس فيك الا الي انتي تركتي عبادته
نصيحتي لك /

اعبدي الله حق عبادته وارجعي له واستغفريه عن ذنبك الي اقترفتيه
تدرين ان الله يفرررررح اذا رجعتي له وتبتي وانطرحتي بين يدينه ودعيتيهً !؟
تدرين فيه ناس يتمنوووووووونً يدعون الله بس مايقدرون لااسباب اما فيهم مس يبعدهم اما فيهم مرض الخ انتي بصحتك وبعافيتك وشش يخليك تتكبرين وتعاندين الي خلقك !؟
يصلون ولا يهتموووون ويجيهم الشي بطابق من ذهب تحسبين هذا سهل عليهم هم بيسالون يوم القيامه عن رعيتهم وعن تربيتهم لاطفالهم
خليك من المسلمين ،
الكفار اكبر دليل الان يعطيهم الله وانتي عارفه مصيرهم ، يعطيهم ويمنيهم وويلهم يوم القيامه ،

مافي شي مستحيل ع ربك الي خلقك من عدم ماكنتي موجوده بالدنيا قبل السنين

الي خلقك من نطفه ثم علقه ثم مضغه او العكس وكساك اللحم والجلد نفخ فيك الروح رزقك في بطن امك ونتي لاحول لك ولاقوه الا انك ترفسين بامك

بيعجز انه يرزقك ونتي بعثتي بالدنيا،؟؟

وينك عن الايه ( وبشر الصابرين الذين اذا اصابتهم مصيبه قالو انا لله وانا اليه راجعون ) وينك من قول رب اني لما انزلت الي من خير فقير ، رب لاتذرني فردا وانت خير الرازقين ،

يعني ادعي الحين بالوتر بوقت المطر بالسجود بكل وقت تحسين نفسك محتاجه للدعاء ادعي

يقول الله ( انا عند حسن ظن عبدي بي فبيظن عبدي بي ماشاء) ان طنتي خير جاك ان ظنتي شر جاك ،

خلي عندك اصرار ان رح يتغير كل شي عشانك بس مهب عشان يتحقق ولا ترا بترك هالشي لاااا غلطانه ادعيه عشان يرضي عنك عشان يعطيك ،،




اكثري من الصدقه ( تطفي غضب الرب)( انكان فيك عين او اي شي او زوجك تروح باذن الله ( داوو مرضاكم بالصدقه)

كم صارلك متزوجه يا قلبي ؟؟؟
لا تيأسي أبداً ولا تفقدين الأمل دام في رب
ثقي كل الثقه إن هالشي خير لك ولو انتي كارهه هالشي
أنا أقرب مثال عندك لي متزوجه عشر سنوات بدون أطفال
لكني صابره ومحتسبه أجري عند الله سبحانه
أصبري يا قلبي وخذي بالأسباب وبإذن الله إذا من نصيبك الذريه ربنا راح يرزقك ...
تمسكي بصلاتك وألحي بالدعاء وأستغفري وعسى ربي يشفيلك زوجك ويرزقكم الذريه الصالحه عاجلاً غير آجل
والأهم من هذا خليه يعمل فحص لدوالي الخصيه هي السبب في نقص وتشوه الحيوانات المنويه ...
واذا مدخن خليه يمتنع عن التدخين ويمتنع عن الأكلات السريعه ومشروبات الطاقة مثل ريدبول وغيرها ...
خلي أكله يكون صحي خضروات وفواكه ومأكولات بحريه ...ويداوم على العسل بحبوب اللقاح ...
واذا فعلاً طلع عنده دوالي فالخصيه فأنصحك يعمل العمليه بس يعملها عند دكتور شاطر ...
وعسى خير إن شاء الله ...ربنا كريم يا قلبي
عسى ربي يرزقك ويرزقني ويرزق كل محرومه إن شاء الله 🌹🌹

(رب لاتذرن فردا وانت خير الوارثين)
تعديل الايه