وبعدين مع ابوي ومرررته ؟

الحل بسيط باذن الله بعد الدعاء والصدقه ان الله يحنن قلبه عليكم ، انك تقرين في بوصلة الشخصيات اذا تعرفينها وتشوفين وش شخصية ابوك وتعلمين امك بما انها كبيره بسن ع كيف تتعامل معه ، امك تحتاج تغير من نفسها عشان تكسب ابوك لصفها ، اما قرب الزوجه الثانيه لكم بما ان القرار اتخذ خلاص مالكم الا الرضئ والابتسامه في وجهه ابوكم بدون معارضه ، هي عرفت كيف تكسبه لصفها بنقاط ضعفه وشخصيته انتم تلحلحو شوي وقومو سوو الي عليكم ، امك تطلب ابوك الفلوس بإدب مثلا .. اطلبي من امك تلح في دعاءها فهو النجاة بعد الله كم من دعوه استجيبت ولو بعد حين لاتياس ولايدخل الياس في قلبها وتحسن الظن ، ..

امي ماهي كبيره بسن جامعيه وهي مرة ابوي نفس العمر امي اكبر منها بسنه تعرف شخصيه ابوي وبوصله شخصيته مافي اكثر من عشره دامت 27سنه الصرف يعطي امي شهريا مصروف لكن لايكفي لها ولااخواني ومتطلبات العيال الله يعين بس ماكتبت الا من القهر المشكله ساحبه ع عماتي ولاتعايدهن ب العيد ومع ذالك يرقعون لها حنا شغلهم الشاغل فلان توضف فلانه تدرس وتشرهات واخاف لاصارت جنبنا بتزيد المشاكل 💔

مشكورات خواتي ع دعواتكم الله يجزاكم خير 💜

الله يفرجها على امك يارب ويعوضها بعيالها