يا قلبي الله يعين الجميع و كلها كم شهر و ننتقل لتجمع النفاس و التربيه و يصير هالتجمع من الذكريات الجميله ان شاء الله
بالنسبه لشنطة المستشفى جهزيها من الحين و ارتاحي ليش تشيلين هم يكفي هم الولاده
انا باقي اسبوع ع التاسع بس شنطة المستشفى جهزتها من شهر و نص ههههه ما احب اشيل هم و افكر يجيني صداع و احس نفسي مشغوله دايما و لا ارتاح بالنوم
بالنسبه للشنطه عندك أمرين
اول واحد اكتبي بالملاحظات بالجوال الاشياء الي تبينها قبل تمشين للمستشفى مثل شاحن الجوال و الجوال و السماعات و اذا عندك زياده حطيها من الحين اما اذا عندك بس الي تستخدمينهم حاليا خلاص قبل تمشين للمستشفى حطيهم بالشنطه عشان ماتنسين افتحي الملاحظات و شوفي وش ناقصك و ممكن تضيفين اي شي بالملاحظات بس انا اعطيتك شي تقريبي
نجي للشنطه اقسميها قسمين قسم لك و قسم للبيبي
قسمك حطي فيه : شراب . سليبر ، سروال قطن ، بجامه ، روب احتياطا يمكن تصيرين عمليه ماتقدرين تلبسين بجامه تضغط ع مكان العمليه ، كلوتات ، فوط ، سكارف للشعر عشان تتدفين ، بشنطة صغيره حطي معجون اسنان و فرشاة ، مشط ور بطات شعر ، كريم ترطيب لليدين ، ميك اب خفيف كحل و روج و ماسكرا و مرايه صغيره ، مزيل عرق و مره حطيها بعلبة مويه خليها تذوب من الحين مايضرها مع البرد و حطيها بالشنطه يمكن تحتاجينها بالمستشفى ، و فوطه و شامبو و فوط صغيره للوجه اذا تبغينها
طبعآ الملابس حطي ع حسب احتياجك يعني لبستين او ٣
قسم البيبي حطي فيه
بربتوز ٢ و افرول ٢ و مهاد و بطانيه و حفايظ و رضاعه و مصاصه و مشط و مناديل مرطبه
و بس
💐التباشير (1) لمواليد يناير وفبراير2017💐
متابعة النقاش، صفحة 360