ببدا بمشكلتي اللي متعبتني ومتعبه زوجي معايا انا متزوجه قريب بكمل سنتين وعندي بنوته الله يحفظها عمرها عشره شهور ونص او تسعه شهور ونص والحمدلله ع كل حال حملت ع حبوب منع الحمل اللهم لك الحمد لاكن مشكلتي متعبتني الغثيان والوحام متعب جدا من قبل ما اعرف اني حامل ونا تعبانه من كل شي وخمول ونوم وكسل وكارهه نفسي حتى طفلتي اهملتها الله يسامحني ويهديني بس انا نومي صار ملخبط جدا بحكم شغل زوجي الصباح ونا طبعا سهرانه والله انام بعد الفجر واصحى قبل العصر بساعه واصلي الضهر واجلس لا شغله ولا مشغله واصلي العصر وارجع اناااام لييييين المغرب واحيانا الله يسامحني لين العشا ودا كلو بس اصحى اسوي لبنتي حليب واا ااكلها لبن زبادي ولا اعملها اي حاجه خفيفيه وارجع انومها وحبيبتي تنام ف اي وقت والله تعبت نفسيا زوجي تعب يرجع لا اكل ولا غيرو ويرجع يخرج ويجيب غداه بنفسو ويرجع ياكل لحالو ويجلس وهوا نومو مرتب ومنظم ينام الساعه ١٢ ونص واحيانا يسهر للساعه ٣ وينام ويصحى من صلاة الفجر وماشاء الله يشبع نوم اسويلو فطور اذا يبغا سويت واذا لا ماعملت ويروح شغلو ويرجع ونا نايمه اليوم يقولي حرام عليكي مايصير ارجع والعماره كلها ريحة طبخ ادخل بيتي ما القى لقمه اكلها والله تعبت جلست ابكي اصلي وادعي انو ربنا يعدل نومي المشكله فيني ارق حتى لو اصحى الضهر ما اقدر انام بدري لازم اسهر تعبت حاولت اواصل يوم كامل وماقدرت زوجي يقولي هادا لسا بدايت الحمل اجل ف رمضان ايش بتسوي والله تعبت شايل هم رمضان المسكين
قلتلو الله يحيينا لرمضان ابغى اتغير اهملت حتى بيتي انظفو تنظيف سطحي اي كلام ابغى اكوي ملابسو المسكين وفوق هادا كلو شايفه نفسي مو مهمله واكابر معاااه واقولو انتا كمان مقصر معايا بس انا عارفه نفسي مقصره معاااه كتييير مع انو والله لو اطلب اي شي من برا جابو ع طول هوا كان ف اول حمل ليا يساعدني ويطبخ عني ويغسل واحيانا يرتب البيت بس دحين اتوظف ووقتو مايسمح للشي دا بالعكس كتر الله خيرو بس والله انا مررا صرت مقصره في حقو حتى ماصرت البس واتزبط حتى لنفسي والله حتى نفسي اهملتها كارهه كل شي حتى لو اطبخ ما اكل معاااه يجلس ياكل لوحدو حتى من قوة ماهو زعلان صار ينام لحالو والله مقهوره كترت مشاكلنا صحيح الحمل جا من الله بس التعب مو بيدي 

ادوني حلول الله يفرجها عليكم من عنده ساعدوني حتى لو طبخت والله يبان انو بدون نفس لو ماعندكم حلول ادعولي الله يغير طبعي ويتعدل نومي وارجع لحياتي الاولى