صديقات وغطاء

حوائيات اليوم جيت استشيركم في موقفين صاروا معي.ماودي احد يرد برد يجرحني.

المهم انا ادرس بالمدرسة وعندي صديقات قبل 3 اسابيع تقريبا نقلوا بنتين للفصل حقنا وانا بالثانوي اخر سنة ثالث , ويوم دخلن الثنتين بالفصل والله شفت وجيهن كبار , اعمارهن اكبر مني وسكت .

جت المهم البنت رقم 1 بنسميها وجلست جنبي وسألتني عن الدروس اللي خذيناها وقلت لها , طبعا مربية فصلنا قالت خذوا ارقام بعض تتواصلون بالقروب وكان بيننا عمل جماعي .

انا دائما اتواصل بالواتس مع صديقاتي العاديات ومافي بينا اي مشاكل ابد .

هالبنت هي وصاحبتها دخلوا معي بالقروب بس البلاء , يجون يطلبون على الخاص حل العمل والبحوث , والجواب بأختصار يبقون كل شيء جاهزن ومجهز ؟؟؟؟؟

ردة فعلي طبيعي اساعد وافهم بس اعطي الحل الف لا ولا ؟؟؟ والسبب الأبلة قالت أمانه كل وحدة تحله بنفسها السؤال واللي تحل من غيرها او تعطي زميلتها ما أحللها وقالت بأدعي عليها .

والسبب الأبلة تقول انه ها التدريبات راح تنفعنا نعتمد على نفسنا بالرياضيات لا جينا نختبر قدرات وما أنكر الأبلة تعلمنا من نفسها وتدربنا على القدرات جزاها الله الف خير وطيبة هي.




وأنا خوفا من الله ما عطيتهم الحل , راحو كذبوا الثنتين وقالوا انه انا اعطيتهم الحل الفلاني لها السبب طلع خطأ , طبعا انا جبت جوالي ورسلت منه صور المحادثات ورسلتهم للأبلة .

طبعا شافت الأبلة المحادثات وعرفت انهم كذابين , والبنت 1 و2 كانوا كل وحدة تسميني بجوالها نفس الأسم بالواتس واخذين خلفية الواتس حقتي وحافظينها ويكتبون محادثات عساس يثبتون انه انا سويت كذا

واقسم بالله العظيم ما سويت لهم شيء .,

طبعا المرشدة وصلت لها السالفة , وجابوا البنتين وطلعوا البنتين متزوجات ولأنهن مو فاضيات يحلون قاموا يسوون مشكلة لي من دون سبب , وغابت وحدة ,منهم اسبوع , طبعا الأبلة تحسبت عليهم وزعلت منهم

يوم عرفت الحق , وجت البنت رقم 1 تكلمني وقالت الأبلة ردي عليها اذا كلمتك بالواتس وشوفي وش تبقى لها غايبة اسبوع والمدرسة مامعها تواصل ولاشيء , رديت بطيب نيه وقالت وش خذتم وجلست اقولها اخذنا كذا وكذا , وقالت بس خلاص لا يكثر .

قمت انا وعطيتها بلوك , ونهيت موضوعها , وباين اللي يتكلم اسلوب رجال وهو زوجها باخر كلمة وعطيتها بلوك .

جت بأسبوع المراجعة تعتذر لي وتقول انه زوجها اللي رد عنها وسامحيني قلتلها مع السلامة , السماح من الله , وانتي سويتي لي مشكلتين .

وصاحبتها الثانية قالت انتي تسووين معنا مشكلة ,والثانية تجي على الواتس تتودد حلي لي انا يتمية وفقيرة والللخ , وهي كبيرة عمرها ماشي بالعشرين وصديقتها وهي داخلين بالواسطة للدراسة .

المهم ها البنتين من دون سبب لانهم متزوجات يغارون والأبلة تقولي بالفصل الثاني راح يكونون معنا بالفصل نفسه وبتخليهم مع بعض يشتغلون بس كبروا السالفة وانفصلوا

وانا بصراحة خايفة من حركاتهم الغريبة اللي صارت .

خصوصا بعد ما شفت وحدة منهم جت وجابت خاتم لي وقالت لي البسيه وتمسك يدي بالقوة وانا قلت لها لا وسحبت يدي ورحت اشتكيت عند المرشدة

ايام المراجعة وانا رفضت في نفس الوقت اللي اشتكيت عند المرشدة , جت صديقتي للمرشدة تقول شافت هم يفتشون بعبايتي ومعهم مقص ومع هذا وحدة منهم كبت زي المويه على طاولتي .

وصديقتي بلغت المرشدة وركض جت تشوف وشافتهن يقصون من عبايتي وقت الفسحة بالمقص وحطوا قطعة القماش وكبوا شيء على الطاولة وسحبت الخاتم المرشدة من يدهم وبلغت الهيئة وما كان الخاتم شكله عادي غريب وقديم وريحته تقرف

طبعا حقققت معهم المرشدة والبنتين انفصلوا من المدرسة فصل نهائي ؟؟؟ ابقى اعرف وش سويت لجل يحطون راسهم براسي

ويسوون ها الحركات وانا بحالي ما ضريت احد حسبي الله ونعم الوكيل فيهم

بس ابقى افهم ليه ها الحركات ,؟؟؟


كانوا يبقون يضروني .