تجمع أمهات مواليد مارس & ابريل 2016 👶👱🍼

ما بستعجل على شيء. إذا الطفل بخير فباقي الأمور تختلف من طفل لآخر
عندي سير واحاول امشي عليه نصف ساعة
إذا مشيت برا البيت اواصل ساعه ونصف عادي
لكن ما أحد طلعني ولا اهتم لأمري


ياربي ارحم ضعفي.. زوجي اعرف يحبني لكن المشي برا ما يطيق يطلعني ولا عندي اي مكان اطلع فيه
الحي مافيه حديقة ولا مكان فاضي.. لازم سياره
الله يسخره ويفكنا من الأزمة هذي
احتاج حالياً 15 كيلو تنزل يكون جسمي مربرب وانا احب الي يكون مليان شوي


يعني 75 مره تناسبني ولو إن طولي 157 بس ما احتاج انقص كثير عشان عظمي عريض

ويسعدج وكل من تحبي يا رب🌹

حاسه فيج والله
كنت مضغوطه بسبب أم زوجي مسويه عمليه وكل الشغل صار علي انا والشغاله ما مساعدتني وايد يعني فوق أولادي صرت مسؤوله عن عمتي أقوم فيها ومسؤوله عن اكلهم وعن الضيوف
ومحد كلاها إلا ولدي أبو 3 سنوات
ارحمه اذا عصبت
بس هالفتره أحاول اضبط اعصابي وأقول طفل ما ذنبه شي اعصب عليه

آمين
انتي سوي عزيمه وإن شاء الله تخفي
وحده أعرفها ما تنحف ع الرضاعه وهي ما شاء الله تبارك الرحمن طول بعرض وف 4 شهور نزلت 15 كيلو
سألتها قالت أكل نصف الكميه اللي متعوده عليها وامشي يوميا من ساعه لساعتين
وانا سمعت ان افضل وقت للمشي فترة الصباح .. جربي وإن شاء الله يفيدج

وايد اجوع لكن أمسك نفسي عن الأكل

فطور خبزه ما أكثر وانا من النوع اللي ما أحب وجبة الفطور بس اغصب نفسي
والغدا لاااااازم أرز مع سلطه
وبين الغدا والعشاء فواكه
والعشاء أي حاجه بس اترس بطني زين زين😂😂
والحمدلله الرضاعه تضعفني حتى لو ما قللت اكل

ما شاء الله 20 وايد
مع اني متخيلتنج ضعيفه وطويله 😅😅

ههههه
سنتري ف قسم الرشاقه يمكن تتحمسي وينقص الوزن الزايد

حلو السير خليه جنب التلفزيون وتابعي برنامج عشان ما تملي وانتي تمشي عليه أو شغلي قرآن ف تلفونج أو اناشيد تتسلي

وكل الأزواج ما يحبوا يلتزموا بشي يومي مع زوجاتهم
زوجي أيام الحمل ما يحب يطلع يمشي معي فاضطر امشي ف الحوش وأمل بسرعه عكس لما نطلع انا وهو ونمشي برع البيت

و15 كيلو إن شاء الله ينزلن بسرعه بس ترى فيه أجسام ما تضعف بسرعه فتحتاج أخصائي يتابع معاها

هذا هو اتابع مع أخصائية تغذية واضغط نفسي